499. fundur
Skipulags- og byggingarnefndar Grindavíkur
haldinn á skrifstofu byggingarfulltrúa,
þriðjudaginn 31. mars 2009 og hófst hann kl. 17:00
Fundinn sátu:
Sigurður Ágústsson, Unnar Á Magnússon, Sigurður A Kristmundsson (SAK), Björgvin Björgvinsson. Einnig sat fundinn Valdís Bjarnadóttir og Óskar Sævarsson
Fundargerð ritaði: Ingvar Þ. Gunnlaugsson , Forstöðumaður Tæknideildar
Formaður nefndarinnar óskar eftir því að taka eftirfarandi inn með afbrigðum.
0903100 - Gunnuhver - Betrumbætur á aðgengi
0903105 - Fyrirspurn vegna flutnings á 96 m2 stálgrindarhúsi
Byggingarleyfi - Þjónustuhús á tjaldsvæði Grindavíkur
Nefndin samþykkir að taka erindin inn.
Dagskrá:
1.0903094 - Ósk að breyta skráningu á hluta af Hafnargötu 4 í íbúðarhúsnæði.
Guðmundur Sigurðsson kt.180743-2439 óskar eftir því við Grindavíkurbæ að breyta skráningu á Hafnargötu 4 að hluta, í íbúðarhúsnæði.
Nefndin hafnar erindinu á sömu forsendum og gert hefur verið áður
og vitnar í kafla 4.5.2 4. mgr. skipulagsreglugerðar nr. 400/1998
sem hljóðar svo:
"Þegar gert er ráð fyrir íbúðum í deiliskipulagi verslunar- og þjónustusvæða skal gerð grein fyrir hvernig íbúum verður tryggður aðgangur að útivistar- og leiksvæðum, bílastæðum og hvernig ákvæðum mengunarvarnareglugerðar um hljóðvist verði fullnægt".
Sérstaklega er bent á að erfitt er að uppfylla kröfur um hljóðvist, þar sem að skemmtistaður er í sömu húsalengju.
2.0903091 - Aðalskipulagsbreyting vegna SV- línur
Gerð er breyting á aðalskipulagi Grindavíkur 2000-2020,dreifbýlisuppdrætti. Breytingin felst í tvöföldun á núverandi háspennulínu (Reykjaneslínu) Grindavíkurmegin við sveitarfélagsmörk að Reykjanesbæ, milli Stampahrauns og Vörðugjár. Einnig tengingu Svartsengislínu 1 við núverandi
Fitjalínu við Rauðamel. Hitaveita Suðurnesja áformar stækkun Reykjanesvirkjunar. Þar sem núverandi meginflutningskerfi raforku að og frá
Reykjanesskaganum er fulllestað er frekari styrking þess forsenda fyrir aukinni orkuframleiðslu og uppbyggingu orkufreks atvinnurekstrar á svæðinu. Breytingin felst í nýbyggingu háspennulínu samsíða núverandi línu. Einnig
verða gerðar breytingar eða tilfærslur á núverandi línum.
Nefndin samþykkir breytinguna með fyrirvara um að ef athugasemdir skipulagstofnunar varðandi umhverfisskýrslu hafi áhrif á útdrátt á aðalskipulagsbreytingunni, þá verði þær teknar til greina.
Nefndin samþykkir að fara með breytinguna samkv. 21. gr. 1 mgr. skipulags og byggingalaga msbr.
3.0903089 - Stækkun Reykjanesvirkjunar og frekari nýting jarðhitavökva. Mat á umhverfisáhrifum.
Samkvæmt 10 gr. laga nr. 106/2000 m.s.b. óskar Skipulagstofnun eftir umsögn Grindavíkurbæjar um mat á umhverfisáhrifum framkvæmdarinnar. Umsagnaraðilar skulu gefa álit sitt í samræmi við 22. gr. reglugerðar nr. 1123/2005 um mat á umhverfisáhrifum.
Nefndin frestar erindinu
4.0903093 - Ósk um framkvæmdarleyfi vegna niðurborunarholu HSK-22
Niðurfallshola HSK-20 er skammt norðan við Lækningalind Bláa Lónsins. Niður í hana renna nú um 80 l/s af 50/50 blöndu Bláalónsvökva og ferskvatns, og hefur tilraunin staðið yfir í nokkra mánuði og gengið vel. Hugsanlegt er að holan stíflist smám saman af útfellingum og því hefur HS Orka hf í hyggju að bora aðra holu rétt austan við holu HSK-20. Hér er sótt um framkvæmdaleyfi fyrir borun umræddrar holu, og fengi hún trúlega númerið HSK-22. Hún yrði boruð á röskuðu svæði nokkru austan við HSK-20. Áður en kom til þess að hola HSK-20 bar boruð var grafinn skurður talsvert austur fyrir HSK-20, og endaði sá skurður í U-beygju skammt norðan við Lækningalindina. Ráðgert er að fylla í þennan skurð og bora 150-200 m djúpa holu á raskaða svæðinu, sem nýtist sem borplan. Einungis þarf að fylla í skurðinn, og þjappa og slétta raskaða svæðið og Þar með fengist nægjanlega stórt borplan. Að borun lokinni yrði síðan gengið frá niðurfallsveitu með svipuðum hætti og við holu HSK-20.
Samþykkt
5.0903100 - Gunnuhver - Betrumbætur á aðgengi
Ferðamálasamtök á Suðurnesjum fara þess vinsamlegast á leit við HS orku hf., að þegar í stað verði hafnar framkvæmdir við gerð rútufærs vegar um hverasvæðið við Gunnuhver, þannig að akfært verði um svæðið í sumar. Ferðamálasamtökin fara þess á leit við nefndina að samþykkja meðfylgjandi teikningu og fyriráætlanir.
Óskar Sævarsson kynnti þetta erindi fyrir nefndinni.
Nefndin leggur til að forstöðumaður Tæknideildar vinni málið áfram ásamt
forstöðumanni tæknisviðs Reykjanesbæjar
6.0903105 - Fyrirspurn vegna flutnings á 96 m2 stálgrindarhúsi
Stjörnufiskur ehf. kt. 621288-1219 óskar eftir umsögn nefndarinnar um
fyrirhugaðan flutning á stálgrindarhúsi sem staðsett er við Hópsheiði 2 yfir á lóð Stjörnufisks við Staðarsund 10
Nefndin tekur jákvætt í erindið, en byggingafulltrúa falið að ræða við eiganda um frekari útfærslu húsanna.
7.Byggingaleyfi - Þjónustuhús á tjaldsvæði Grindavíkur
Grindavíkurbær óskar eftir byggingaleyfi fyrir þjónustuhúsi á tjaldsvæði bæjarins samkv. teikningum dags. 31.03.2009, unnar af Rýma arkitektum.
Samþykkt
Fleira ekki gert. Fundi slitið kl. 20:45
___________________________ ___________________________
___________________________ ___________________________
___________________________ ___________________________
___________________________ ___________________________