Fundur í Ferða- og atvinnumálanefnd þann 14/1/09

Mættir: Jakob Sigurðsson, Jovana Lilja Stefánsdóttir, Sigurður Kristmundsson, Páll Valur Björnsson, Heiðar Hrafn Eiríksson

Fundur settur kl.  20:00

1. mál
Rætt um komur skemmtiferðaskipa til Grindavíkur. Jakob og Sigurður vinna erindi til Grindavíkurhafnar um aðkomu þeirra að málinu

2. mál
Umræða um stórseiðaeldisstöð.

3. mál
Rætt um leiðir fyrir nýsköpun inní bæinn. Það þarf að búa til farveg fyrir aðila til að auðvelda þeim að hafa samband við bæjaryfirvöld. Hugmynd um að setja á heimasíðu hnapp fyrir þetta sem myndi leiða á síðu með kynningu á nefndinni og hvernig væri hægt að hafa samband við einstaka meðlimi. Nefndarmeðlimir myndu síðan vinna málið áfram.

4. mál
Það þarf að setja varúðar skilti við Þorbjörn og vara göngufólk við grjóthruni.

5. mál
Rætt um Markaðsstofu Reykjaness. Málið er komið í uppnám. Nefndarmönnum finnst þetta eitt mesta hagsmuna mál í Grindvískri ferðaþjónustu að fá þessa stofu við Bláa Lónið en ekki að missa hana til Reykjanesbæjar.
Ályktun: “Ferða- og atvinnumálanefnd skorar á bæjaryfirvöld að beita sér fyrir því að Markaðsstofa Reykjaness verði staðsett við Bláa Lónið, stærðsta ferðamannastaðar á Íslandi. Myndi það þjóna hagsmunum ferðaþjónustu á Reykjanessi best.”

6. Mál
Agnar Steinarsson kom á fund nefndarinnar og kynnti hugmyndir sínar um stórseiðaeldisstöð fyrir þorsk. Agnar Steinarsson líffræðingur og Matthías Ottarsson hafa undanfarið verið að vinna stórkostlegar hugmyndir  um stórseiðaeldisstöð. Mikil vinna er framundan og margt sem þarf að skoða m.a. staðsetningu. Góðir möguleikar eru fyrir því að staðsetning starfseminnar geti risið í Grindavík en aðalatrið er að þetta verði að veruleika.  Um er að ræða atvinnuskapandi verkefni  sem vel passar inní atvinnuumhverfi Grindavíkur.

Fundi lokið 23:00

• Síðast uppfært: 2. mars 2009