Fundur í Fræðslu- og uppeldisnefnd var haldinn hinn 4. febrúar 2009 á bæjarskrifstofu kl. 17:30.

Mætt:  Frá nefndinni:  Jón Fannar, Eva, Dórathea (varamaður f. V. Áslaugu), Þórir (varamaður f. Einar) og Guðmundur.  Áheyrnarfulltrúar:  Arna f.h. foreldra, Þuríður f.h. kennara og Stefanía f.h. skólastjórnar.  Nökkvi Már situr fundinn og ritar fundargerð.

1. Samræmd próf í 4. og 7. bekk grunnskóla
Stefanía greinir frá niðurstöðum samræmdra prófa og svarar spurningum.  Fræðslu- og uppeldisnefnd fagnar þeim árangri sem nemendur í 4. og 7. bekk náðu á prófunum nú í haust.  Nefndin túlkar niðurstöður prófanna svo að gott skólastarf eigi sér stað í grunnskólanum.  Nefndin óskar öllum viðkomandi til hamingju með árangurinn.

2.  Íþróttasalur grunnskóla
Fyrir liggur að íþróttasalur skólans er ónothæfur.  Ástæðan er sú að bera fór á undarlegri lykt og í framhaldinu var ákveðið að loka salnum á meðan þar til bær yfirvöld vinna að því að kanna hvers kyns lyktin er.  Verið er að huga að úrræðum fyrir leikfimiskennslu í 1. – 3. bekk og kemur þá til álita að nýta litla salinn í íþróttahúsi Grindavíkur.

3.  Lestrarkennsla barna utan skólatíma
Nefndin lýsir ánægju sinni yfir því að verkefnið, sem er tilraunarverkefni skóla- og félagsþjónustu er snýr að stuðningi við einstaka nemendur í 2. – 4. bekk, er komið af stað og miðar vel.

4.  Ný reglugerð um skólaráð
Gögn liggja frammi.

5.  Trúnaðarmál

Fleira ekki gert og fundi slitið.
Jón Fannar Guðmundsson
Dórathea Jónsdóttir
Guðmundur Pálsson
Þórir Sigfússon
Eva Björg Sigurðardóttir
Þuríður Gísladóttir
Þórir Sigfússon
Arna Björnsdóttir
Stefanía Ólafsdóttir

• Síðast uppfært: 9. febrúar 2009