Fundur haldinn í safnhúsanefnd þriðjudaginn 18. feb. 2003.
Mættir: Ívar, Halldór og Sigurður.
1. Borist hefur bréf til nefndarinnar frá bæjarstjóra þar sem tilkynnt er að engir peningar verði lagðir í “gestahúsið,, á þessu ári. Þá er getið um erindi frá handverksfólki sem óskar eftir húsinu sem sölustað. Nefndin vill í framhaldi af þessu benda á að uppbygging hússins kostaði á áttundu milljón og var það endurbyggt í upprunalegri mynd. Telur nefndin nauðsynlegt að forða húsinu frá frekari skemmdum t.d. með því að mála það að utan og setja rúður í brotna glugga og það þarf að gera á sérstakan hátt. Nefndin hefur ekkert við það að athuga að handverksfólk fái húsið til afnota, en varar við því að eitthvað verði gert við húsið innan dyra án þess að sérfræðingur sem þekkir til endurbyggingu hússins sé hafður með í ráðum.
Einnig vill nefndin benda á að nauðsynlegt er að setja forhitara við hitalögnina svo tryggt sé að lagnir frostspryngi ekki aftur, en það hefur gerst í tvígang.
2. Nefndin vill koma því á framfæri við bæjarstjórn að eitt merkilegasta hús bæjarins er að verða ónýtt “flaggstangahúsið,, eru síðustu forvöð að vernda það ef hugur er til þess.
3. Nefndin mun á næstunni skoða þá muni sem voru í gestahúsinu og aðra þá muni sem hefur verið safnað í áhaldahúsið.
Fleira ekki gert, fundi slitið.
Halldór Ingvason,
Sigurður M. Ágústsson,
Ívar Þórhallsson.