177. fundur skólanefndar var haldinn þriðjudaginn 12. nóv. 2002 í skólanum.

Mætt: Einar Jón fulltrúi kennara, Gunnlaugur, Guðmundur, Lovísa, Ágústa form. foreldraráðs, Hrafnhildur, Ingibjörg, Dóra Birna og Halldór.

1. Skólastjóri greindi frá skólastarfi það sem af er skólaári. Nokkuð bærilega gekk að fá húsnæði fyrir kennara, þó er einn kennari en í litlu bráðabyigðahúsnæði. Þá taldi skólastjóri að ekki mætti bíða of lengi með að huga að framtíðarþörf skólahúsnæðis miðað við fjölgun í bæjarfélaginu. Skoða þar betur skipulagningu heimanámsaðstoðar og fleiri þætti sem komu til með einsetningu.

2. Viðhorfskönnun meðal foreldra varðandi vetrarfrí , skólamáltíðir, starfstíma skóla og fl. Best svörun var hjá foreldrum yngstu nemendanna. Flestir foreldrar vilja byrja fyrr að hausti og hætta fyrr að vori. 52% spyrjenda voru hlyntir vetrarfríi. Fleiri vilja hafa vetrarfrí að hausti en eftir áramót, en flestir vilja bæði fyrir og eftir áramót. Þá var spurt um hentugan tíma undir foreldraviðtöl. 57% vilja fundi utan dagvinnutíma, 41% á dagvinnutíma. Tölvuaðgengi er mjög algengt meðal foreldra eða 92,5% og rúmlega 80% eru með internettengingu. Fréttabréf skólans skilar sér sæmilega inn á heimili og er mjög vel lesið eða af 93%. Hvað varðar matar og nestismál skólans eru mjög ánægðir og frekar ánægðir 67% foreldra.

3. Úttekt á sjálfsmatsaðferðum skólans.
Ráðuneytið sér um þessa úttekt og eru sjálfsmatsaðferðir skólans skoðaðar. Skólinn fær síðan sendar niðurstöður frá ráðuneytinu, væntanlega nú í vor. Skólinn hefur fest kaup á forriti sem nefnist Skólarýnir og hjálpar starfsfólki til að meta skólastarfið.

4. Skólastjóri kom inn á skólaakstur og innan hverra marka hann ætti að vera. Málið verður frekar rætt á næsta fundi.

5. Fyrirspurn kom frá Guðmundi varðandi eftirlit með tölvunotkun nemenda skólans, innan skólans.

6. Fyrirspurn kom frá Hrafnhildi um hvort starfandi væri áfallateymi við skólann. Fram kom hjá skólastjóra að svo væri.

7. Nýjar skólastofur við skólann skoðaðar.

Fleira ekki gert fundi slitið.


Halldór Ingvason,
Guðmundur Pálsson,
Dóra Birna Jónsdóttir,
Hrafnhildur Björgvinsdóttir,
Ingibjörg Reynisdóttir,
Ágústa Inga Sigurgeirsdóttir,
Lovísa Hilmarsdóttir,
Gunnlaugur Dan.

• Síðast uppfært: 22. nóvember 2003