175. fundur skólanefndar var haldinn á bæjarskrifstofum þriðjudaginn 28. maí 2002.
Mætt: Dóra Birna, Andrea, Ingibjörg, Gunnlaugur, Kristín, Petrína, Guðmundur, og Halldór.

1. Kennararáðningar.
Búið er að ganga frá ráðningu þriggja nýrra kennara þeirra Sigríðar Kjartansdóttur, Ægis Viktorssonar, og Kristbjargar Hermannsdóttur. Þá hafa tveir réttindakennarar sýnt áhuga. Ef framangreint gengur eftir vantar tvo til þrjá kennara í stöður.

2. Húsnæðismál.
Fyrirsjáanlegt er að erfitt verður að fá húsnæði undir alla þá kennara sem þörf er fyrir og annað það að leiga hefur hækkað verulega nú síðasta ár. Það eru því tilmæli frá skólanefnd til bæjarráðs að opnað verði fyrir þann möguleika að niðurgreiða íbúðir til kennara sem þurfa að leigja mjög dýrt. T.d. mætti hugsa sér að reikna húsaleigu út frá sömu reglu og gildir um félagslegt húsnæði eða skólastjóri og bæjarstjóri skoðuðu hvert tilfelli fyrir sig.

3. Skólastjóri lagði fram skóladagatal og er það samþykkt af skólanefnd. Ákveðið er að skólinn kanni vilja foreldra til foreldraviðtala og haustfría. Frá skólanefnd vinna að könnuninni Guðmundur Pálsson og Andrea Hauksdóttir.

4. Skólafulltrúi og skólastjóri lögðu fram tillögu að kennslukvóta fyrir næsta skólaár sem sendar verða til bæjarráðs.

5. Bréf frá Jóni Þór Dagbjartssyni vegna skólavistar barna hans í Reykjavík.

6. Húsnæðismál skólans rædd. Skólanefnd sammála um að lausn þurfi að vera tilbúin 1. ágúst.

7. Skólastjóri greindi frá niðurstöðum í samræmdum prófum. Skólinn kemur mjög vel út þetta skólaárið og er nokkuð fyrir ofan landsmeðaltal í 7. bekk. Þá gengu samræmd próf í 10. bekk vel og er skólinn í Grindavík fyrir ofan Suðurnesjameðaltal, en lítillega undir landsmeðaltali.

Fleira ekki gert, fundi slitið,


Halldór Ingvason ,
Dóra Birna Jónsdóttir,
Andrea Hauksdóttir,
Ingibjörg Reynisdóttir,
Gunnlaugur Dan,
Kristín Þorsteinsdóttir,
Petrína Baldursdóttir,
Guðmundur Pálsson.

• Síðast uppfært: 22. nóvember 2003