99. fundur frístunda- og menningarnefndar haldinn sem fjarfundur í Teams, 11. nóvember 2020 og hófst hann kl. 16:00.
Fundinn sátu:
Margrét Kristín Pétursdóttir,varamaður, Þórunn Erlingsdóttir, aðalmaður,
Sigríður Etna Marinósdóttir,varamaður, Alexander Veigar Þórarinsson, aðalmaður, Irmý Rós Þorsteinsdóttir, formaður, Jón Júlíus Karlsson, áheyrnarfulltrúi og Eggert Sólberg Jónsson, sviðsstjóri frístunda- og menningarsviðs.
Fundargerð ritaði: Eggert Sólberg Jónsson, Sviðsstjóri frístunda- og menningarsviðs.
Dagskrá:
1. Íþróttafólk Grindavíkur 2020 - 2010029
Rætt um fyrirkomulag kjörs og útnefningu á íþróttafólki Grindavíkur 2020. Sviðsstjóra og framkvæmdastjóra UMFG falið að undirbúa rafræna verðlaunahátíð um áramót.
Frístunda- og menningarnefnd hefur möguleika á að tilnefna einstaklinga með lögheimili í Grindavík sem skarað hafa fram úr í íþróttum sem ekki er hægt að stunda sem keppnisgreinar í Grindavík og því utan deilda UMFG eða íþróttafélaga í Grindavík. Nefndin mun ekki nýta rétt sinn til að tilnefna að þessu sinni.
2. Eftirfylgni samstarfssamninga á frístunda- og menningarsviði 2020 - 2011038
Lagðar fram framvinduskýrslur vegna samstarfssamninga frá Golfklúbbi Grindavíkur, Hestamannafélaginu Brimfaxa og Pílufélagi Grindavíkur.
3. Fjárhagsáætlun 2021 - Frístunda- og menningarsvið - 2008007
Fjárhagsáætlun frístunda- og menningarsviðs 2021 lögð fram eins og hún lítur út eftir fyrri umræðu í bæjarstjórn.
4. Vinnuskóli Grindavíkurbæjar 2020 - 1912037
Minnisblað sviðsstjóra frístunda- og menningarsviðs um framkvæmd Vinnuskóla Grindavíkurbæjar 2020 lagt fram.
5. Viðburðir um jól og áramót 2020-2021 - 2008006
Rætt um fyrirkomulag viðburða um jól og áramót í ljósi aðstæðna í samfélaginu. Ljóst er að dagskrá viðburða á vegum Grindavíkurbæjar verður með öðru sniði en undanfarin ár. Sviðsstjóra falið að útfæra dagskrá með því markmiði að fjölskyldur njóti samverunnar innanbæjar á aðventunni.
6. Endurskoðun menningarstefnu Grindavíkurbæjar - 1903070
Drög að menningarstefnu Grindavíkurbæjar voru birt á vef sveitarfélagsins 14. október sl. og gafst íbúum og hagaðilum kostur á að senda inn ábendingar. Farið yfir þær ábendingar sem bárust.
Fleira ekki gert. Fundi slitið kl. 17:25.