1560. fundur bæjarráðs Grindavíkur haldinn í bæjarstjórnarsal, 13. október 2020 og hófst hann kl. 15:00.
Fundinn sátu:
Hjálmar Hallgrímsson, formaður, Sigurður Óli Þórleifsson, varaformaður,
Hallfríður G Hólmgrímsdóttir, aðalmaður, Páll Valur Björnsson, áheyrnar-fulltrúi og Helga Dís Jakobsdóttir, áheyrnarfulltrúi.
Einnig sátu fundinn:
Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Dagskrá:
1. Þekkingar- og nýsköpunarsetur í Grindavík - 2009109
Sviðsstjóri frístunda- og menningarsviðs sat fundinn undir þessum dagskrárlið. Lögð fram greinagerð um þekkingar- og nýsköpunarsetur í Grindavík ásamt tillögu að viðbyggingu við Kvikuna. Bæjarráð tekur vel í erindið og felur sviðsstjóra frístunda- og menningarsviðs að vinna málið áfram.
2. Samþykkt fyrir lýðheilsuteymi Grindavíkurbæjar - 2008103
Sviðsstjóri frístunda- og menningarsviðs sat fundinn undir þessum dagskrárlið. Lögð fram drög að samþykktum fyrir lýðheilsuteymi sem kæmi í stað forvarnateymis. Bæjarráð vísar samþykktunum til bæjarstjórnar.
3. Áskorun um kaup á leikklukku í nýjan íþróttasal - 2009043
Sviðsstjóri frístunda- og menningarsviðs sat fundinn undir þessum dagskrárlið. Unglingaráð körfuknattleiksdeildar Grindavíkur óskar eftir því að Grindavíkurbær kaupi keppnisklukku í nýja íþróttasalinn. Málinu er vísað til fjárhagsáætlunarvinnunnar.
4. Boð um kaup á uppstoppuðum fuglum - 2007064
Sviðsstjóri frístunda- og menningarsviðs sat fundinn undir þessum dagskrárlið. Grindavíkurbæ hefur verið boðið að kaupa safn af uppstoppuðum fuglum. Frístunda- og menningarnefnd telur í ljósi stöðunnar í samfélaginu ekki réttlætanlegt að fjárfesta í safninu. Bæjarráð tekur undir ályktun frístunda- og menningarnefndar.
5. Grindavíkurskip - 2009093
Sviðsstjóri frístunda- og menningarsviðs sat fundinn undir þessum dagskrárlið. Lagt fram erindi frá Ólafi Sigurðssyni og áhugahópi um byggingu áttærings í fullri stærð. Bæjarráð tekur vel í erindið en bendir á að umsóknarfrestur um starfsstyrki á frístunda- og menningarsviði rann út 1. júní sl. Bæjarráð felur sviðsstjóra frístunda- og menningarsviðs að vinna áfram í málinu.
6. Stofnun landshlutateymis á Suðurnesjum um málefni fatlaðra barna - 2010021
Sviðsstjóri félagsþjónustu- og fræðslusviðs sat fundinn undir þessum dagskrárlið. Lagt er til að Grindavíkurbær verði aðili að landshlutateymi á Suðurnesjum um málefni fatlaðra barna. Ekki er gert ráð fyrir að kostnaður hljótist af nema þá óverulegur. Bæjarráð samþykkir erindið og felur sviðsstjóra félagsþjónustu- og fræðslusviðs að vinna málið áfram.
7. Dagdvöl aldraðra - Aðstaða - 2010024
Sviðsstjóri félagsþjónustu- og fræðslusviðs sat fundinn undir þessum dagskrárlið. Forstöðumaður Miðgarðs óskar eftir því að taka eina íbúð við Austurveg nr. 5 undir dagdvöl aldraðra, a.m.k. tímabundið. Bæjarráð samþykkir erindið tímabundið, eða þar til nýtt félagsheimili fyrir eldri borgara rís. Hjálmar situr hjá.
8. Deiliskipulag - Norðan Hópsbrautar - 1901081
Sviðsstjóri skipulags- og umhverfissviðs sat fundinn undir þessum dagskrárlið. Niðurstöður verðkönnunar vegna 1. áfanga í hönnun gatnakerfisins í nýju hverfi, Hlíðarhverfi lagðar fram. Bæjarráð samþykkir að fela sviðsstjóra að semja við lægstbjóðanda, Tækniþjónustu SÁ ehf.
9. Fráveita Grindavíkurbæjar - hönnun og staðarval - 2001029
Sviðsstjóri skipulags- og umhverfissviðs sat fundinn undir þessum dagskrárlið. Niðurstöður verðkönnunar vegna 1. áfanga í fráveitukerfi Grindavíkurbæjar lagðar fram. Bæjarráð samþykkir að fela sviðsstjóra að semja við lægstbjóðanda, Jón og Margeir ehf.
10. Stuðningsbréf vegna eldsneytisframleiðslu - 2010022
Bæjarráð samþykkir viljayfirlýsingu um verkefnið og felur bæjarstjóra að undirrita.
11. Tilnefning í samstarfshóp - Samfélagsrannsóknir - 2010019
Sviðsstjóri félagsþjónustu- og fræðslusviðs sat fundinn undir þessum dagskrárlið.
Bæjarráð tilnefnir Nökkva Má Jónsson og Thelmu Guðbjörnsdóttur í samstarfshópinn sem fulltrúa Grindavíkurbæjar.
Fleira ekki gert. Fundi slitið kl. 16:35.