Þjófagjá í Þorbirni, minjar frá stríðsárum, útsýni yfir Reykjanes, fjölbreyttur gróður og margt fleira vakti athygli nemenda í 3.bekk sem í síðustu viku gengu Þorbjörn. Fjallgangan var liður í verkefni tengdu Byrjendalæsi þar sem lesin var bókin Komdu og skoðaðu fjöllin. Veður var nokkuð gott, blés þó að norðan og svolítið kalt á toppnum! Börnin stóðu sig öll svo vel, sumir vanir aðrir minna vanir og allt gekk þetta upp. Nestið var snætt þegar búið var að ganga í gegnum Þjófagjánna og fengu nemendur að heyra um sauðaþjófana sem að lokum náðust og drógu síðast andann við Gálgakletta.
Í byrjun var skiltið við Þorbjörn skoðað og lagt á ráðin með reglur og þess háttar.