Ólína Guðbjörg ver doktorsverkefnið sitt í dag

• Fréttir
• 25. september 2020

Grindvíkingurinn Ólína Guðbjörg Viðarsdóttir er okkur flestum kunnug en Ólína Guðbjörg var fyrsta A-landsliðskona Grindavíkur í knattspyrnu. Í fyrra leyfði hún lesendum Járngerðar að skyggnast aðeins inn í líf sitt eftir að hún flutti frá Grindavík til að spila knattspyrnu. Hún fór í atvinnumennsku erlendis, síðan í langt og krefjandi nám og stofnaði fjölskyldu með konu sinnu, Eddu Garðarsdóttur. 

Í dag er stór dagur hjá Ólínu Guðbjörgu því nú er komið að doktorsvörninni en undanfarin ár hefur hún sérhæft sig í klínískri sálfræði. "Ég hef verið að innleiða nýja meðferðarnálgun sem heitir vitræn endurhæfing með félagsskilningsþjálfun og skoða áhrif þeirrar meðferðar á vitræna getu, líðan og færni í daglegu lífi hjá ungu fólki með byrjandi geðrofssjúkdóma. Nýlega kom út grein“ um áhrifmeðferðarinnar: Integrative cognitive remediation for early psychosis: Results from a randomized controlled trial.“ sagði Ólína í samtali við Járngerði fyrir rúmu ári.  

Hægt verður að fylgjast með doktorsvörn Ólínu á netinu á þessum tengli og við óskum henni góðs gengis með þetta flotta og þarfa verkefni í líf- og læknavísindum.  

• Síðast uppfært: 25. september 2020