Að venju á haustin er fé rekið af fjalli og í fjárhólf þaðan sem eigendur fjárins vitjar þess og kemur í hús. Í ár verða réttir ekki ætlaðar öðrum en þeim sem hafa erindi í þær, sauðfjáreigendur og aðstoðarfólk. Í gildi er 200 manna hámarksregla og til að gæta fyllstu varúðar og fara eftir fyrirmælum sóttvarnayfirvalda er mælst til þess að aðeins þeir sem hafa hlutverk mæti í göngur og réttir. Þetta er í samræmi við þær leiðbeiningar vegna COVID-19 hættustigs almannavarna. Leiðbeiningarnar voru unnar í samstarfi almannavarna, sóttvarnalæknis, Landssamtaka sauðfjárbænda, Bændasamtaka Íslands og Sambands íslenskra sveitarfélaga.
Áhersla er lögð á að hver og einn beri ábyrgð á eigin athöfnum og að: „Við erum öll almannavarnir“.
Hliðvarsla verður við aðkeyrslu að réttum og þangað inn verður aðeins hleypt þeim sem þar eiga erindi.
Allir sem taka þátt í göngum og réttum skulu hlaða niður smitrakningarappi almannavarna.
Nánari upplýsingar má finna hér.