Á morgun, 15. september verður starfsdagur í Grunnskóla Grindavíkur. Krökkum verður boðið að taka þátt í “grænni smiðju” í Kvikunni milli kl. 10:00-12:00. Þátttakendur taka með sér ílát, gjarnan eitthvað sem annars teldist rusl s.s. krukku, dós, flösku, fernu eða annað sem getur orðið að lekkerum blómapotti. Í smiðjunni skreyta þau svo ílátið og fá plöntu eða fræ með sér heim til að rækta í pottinum. Viðfangsefnið er því grænt í tvennum skilningi.
Athugið að smiðjan er ætluð börnum á grunnskólaaldri sem geta unnið sjálfstætt því ekki er hægt að bjóða upp á eiginlega gæslu. Einnig er möguleiki að börn komi í fylgd forráðamanns ef þess er óskað.
Við bjóðum ykkur velkomin á dagskrá Grænna daga í Kvikunni! Allir viðburðir eru þátttakendum að kostnaðarlausu