5. flokkur drengja hjá Grindavík leikur til úrslita um Íslandsmeistaratitil A-liða í ár eftir frábært knattspyrnusumar. Leikið verður gegn Breiðabliki í úrslitum og hefur KSÍ ákveðið að leikurinn fari fram á Grindavíkurvelli.
Leikurinn fer fram kl. 17.00 á föstudag á Grindavíkurvelli. Settur verður upp sérstakur 7 manna völlur fyrir framan áhorfendastúkuna þannig að aðstaða fyrir leikmenn og áhorfendur verði til fyrirmyndar.
Jafnframt verður leikurinn sýndur á GrindavíkTV.
Af sjálfsögðu verður frítt á leikinn en við viljum biðja fólk um að dreifa vel úr sér í stúkunni og huga að sóttvörnum.
Áfram Grindavík
Knattspyrnudeild UMFG