Hagkvćmar leiguíbúđir vćntanlegar

  • Fréttir
  • 8. júlí 2020
Hagkvćmar leiguíbúđir vćntanlegar

Tólf hagkvæmar leiguíbúðir stendur til að í Grindavík en Húsnæðis- og mannvirkjastofnun (HMS) hefur nú úthlutað ríflega 3,6 milljörðum króna í stofnframlög til byggingar og kaupa á 600 hagkvæmum leiguíbúðum. Um er að ræða leiguíbúðir sem verða víðsvegar um landið, svokallaðra almennra íbúða. Þetta er að sjálfsögðu mikið gleðiefni fyrir Grindvíkinga og þá sem hérna kjósa að búa enda hefur eftirspurn eftir húsnæði verið umfram framboð. Þá hefur lengi verið skortur á leiguhúsnæði og kemur þetta sér því afskaplega vel. 

Leiguíbúðirnar verða í 15 sveitarfélögum og þar af verða 12 í Grindavík. Fjármunirnir eru hugsaðir til að styðja við framboð ódýrra leiguíbúða fyrir almenning og verða nýttir til byggingar á 438 íbúðum og kaupa á 162 íbúðum.  

Stofnframlögin renna til byggingaraðila í almenna íbúðakerfinu og er ætlunin að slá á þann mikla húsnæðisvanda sem lægri og millitekjuhópar hafa mátt stríða við undanfarin ár.

Fólk sem leigir íbúð í kerfinu þarf ekki að verja jafn stórum hluta af ráðstöfunartekjum heimilisins til húsnæðis og það myndi í mörgum tilfellum gera á frjálsa leigumarkaðnum og býr við meira öryggi því ekki er hægt að segja upp leigunni nema að ýmsum skilyrðum uppfylltum.  

Framlög til íbúða í 15 ólíkum sveitarfélögum í þessari úthlutun  
Alls fengu 15 sveitarfélög úthlutað stofnframlögum en flestar af íbúðunum 600 eru á höfuðborgarsvæðinu, eða 472. Auk íbúðanna 12 í Grindavík  er um að ræða átta íbúðir á Austurlandi, 14 á Norðurlandi eystra, 13 á Norðurlandi vestra, 10 á Suðurlandi, fjórar á Vestfjörðum og 67 á Vesturlandi.   

Sem stuðning við lífskjarasamningana ákvað ríkisstjórnin að auka framlögin til almenna íbúðakerfisins um 2,1 milljarð árlega á árunum 2020 til 2022 til þess að flýta fyrir uppbyggingu á hagkvæmu húsnæði og stuðla að auknu húsnæðisöryggi leigjenda.    

Heildarfjárfesting tæplega 20 milljarða króna   

Ljóst er að stofnvirði þeirra verkefna sem samþykkt voru í þessari úthlutun fela í sér fjárfestingu á húsnæðismarkaði upp á tæplega 20 milljarða króna. Þar af fara tæpir 14 milljarðar í uppbyggingu á hagkvæmu húsnæði og 6 milljarðar í kaup.   Alls bárust 35 umsóknir til Húsnæðis- og mannvirkjastofnunar um samtals 5,6 milljarða króna og af þeim voru 31 umsóknir samþykktar, ýmist að fullu eða að hluta til. Sveitarfélög nutu forgangs við úthlutunina og hlutu alls um 1,2 milljarða króna. 


Deildu ţessari frétt

A?RAR FR?TTIR

Fréttir / 29. júlí 2020

Verslunarmannahelgin á Bryggjunni

Fréttir / 20. júlí 2020

Jarđskjálftarnir viđ Fagradalsfjall

Fréttir / 20. júlí 2020

Öflug skjálftahrina viđ Grindavík

Fréttir / 17. júlí 2020

Gúrmé í Grindavík - Salthúsiđ

Fréttir / 17. júlí 2020

Jón Axel til Ţýskalands

Fréttir / 13. júlí 2020

Stór dagur hjá Fisktćkniskóla íslands

Fréttir / 11. júlí 2020

Tónlistarveisla í kvöld

Fréttir / 9. júlí 2020

Allir á völlinn í kvöld

Fréttir / 9. júlí 2020

Gúrmé í Grindavík - Papas

Fréttir / 8. júlí 2020

Nágrannaviđureign í kvöld

Fréttir / 8. júlí 2020

Hagkvćmar leiguíbúđir vćntanlegar

Fréttir / 8. júlí 2020

Skráningar fram úr björtustu vonum