7. Fundur í öldungaráði Grindavíkurbæjar, mánuudaginn 15. júní 2020, kl 15.00, haldinn í húsnæði eldri borgara að Víkurbraut 27
Fundinn sátu: Sigurður Ágústsson, formaður, Sæmundur Halldórsson, Fanný Laustsen, Hallfríður G. Hólmgrímsdóttir, Friðrik Björnsson, Helga Einarsson og Margrét Gísladóttir varamaður.
Fundargerð ritaði: Hallfríður G. Hólmgrímsdóttir.
1. Fundur settur – Sigurður setti fundinn.
2. Skipun í starfshóp vegna félagsaðstöðu eldri borgara
Bæjarráð hefur óskað eftir því við öldungaráð að tilnefna einn fulltrúa í starfshóp vegna byggingar félagsaðstöðu eldri borgara. Ráðið leggur til að félag eldri borgara eigi sinn fulltrúa í starfshópnum og leggur því til Ágústu Gísladóttir þar sem hún hefur menntun og reynslu sem nýtist vel í slíkan hóp. Það var samþykkt samhljóða
3. Ósk öldungaráðs Suðurnesja um að mæta vel á fund
Í erindi sem öldungaráð Suðurnesja sendi öldungaráði Grindavíkurbæjar er farið þess á leit við ráðið að það mæti á fund sem stefnt er að halda í haust með ráðherra Heilbrigðismála Svandísi Svavarsdóttir. Tökum vel í erindið og mun öldungaráð Grindavíkurbæjar taka þátt í þessum fundi. Hvetjum við fulltrúa meirihluta bæjarstjórnar Grindavíkur til að mæta á fundinn ásamt bæjarstjóra.
4. Önnur mál
Rædd voru meðal annars málefni hjúkrunarheimilisins og stöðu faglegrar þjónustu á borð við talmeinafræði, sjúkraþjálfun og iðjuþjálfun svo eitthvað sé nefnt. Staðan er ekki góð hvað þessa þætti varðar.
Ekki fleira gert. Fundi slitið 16.40