Í tilefni af Hjóla- og göngudögum stendur Grindvíkingum til boða að sækja grunnnámskeið í reiðhjólaviðgerðum á morgun, föstudaginn 26. júní. Námskeiðið stendur yfir frá kl. 9:00-13:00.
Dagskráin er á þessa leið:
1. Hjólið yfirfarið
2. Stellið stillt
3. Gert við sprungið dekk
4. Skipt um bremsupúða
5. Stilltir gírar
Viðgerðarnámskeiðið er opið öllum og er frítt - en greiða þarf 1.500 kr. staðfestingargjald sem fæst endurgreitt þegar námskeiði lýkur. Athugið að fjöldi þátttakenda er takmarkaður. Fyrstir koma fyrstir fá.
Námskeiðið fer fram í húsnæði björgunarsveitarinnar Þorbjarnar að Seljabraut 10.
Þátttakendur koma með eigin hjól og vinna í þeim. Unnið er tveir og tveir saman. Skráning fer fram hér.