Skólaslit Tónlistarskólans í Grindavík

• Tónlistaskólafréttir
• 16. maí 2020

Kæru nemendur og forráðamenn

Vegna þeirra tíma sem nú ganga yfir með tilheyrandi fjöldatakmörkunum og tveggja metra reglunni er ekki unnt að slíta skólanum með hefðbundnum hætti. 

Síðasti kennsludagur var í dag og ættu allir nemendur nú að vera búnir að fá afhent prófskírteini sín. Þessi vetur hefur verið eins og flestum er kunnugt alveg dæmalaus, með illviðrum, jarðhræringum, eldgosavá og nú síðast covid-19. Það síðastnefnda gerði það að verkum að öll kennsla skólans og próf færðust yfir í fjarnám og höfum við dregið mikinn lærdóm af því og munum undirbúa okkur enn frekar við að þróa þá kennslu ef til þess kæmi að við þyrftum á henni að halda síðar.

Mikið var gott þegar nemendur komu aftur í hús. Líf fór að færast í skólann  þar sem tónlistin hljómaði úr hverri kennslustofu þó ekki væru það nema tvær vikur. Nemendur og kennarar fengu þá tækifæri til að finna skemmtileg lög og kveðjast í bili inn í sumarið, sem vonandi bætir okkur öllum upp þennan erfiða vetur.

Þeir nemendur sem vilja halda plássi sínu við skólann næsta vetur en ekki hafa skilað inn blaði um áframhaldandi nám, geta sent staðfestingu um áframhaldandi nám á netfangið tonlistarskolinn@grindavik.is og við höldum plássinu til haga. 

Starfsfólk tónlistarskólans óskar ykkur öllum gleðilegs sumars og vonar að við hittumst öll endurnærð og hress að hausti.

• Síðast uppfært: 16. maí 2020