1547. fundur bæjarráðs Grindavíkur haldinn í bæjarstjórnarsal, þriðjudaginn 12. maí 2020 og hófst hann kl. 17:00.
Fundinn sátu: Hjálmar Hallgrímsson, formaður, Sigurður Óli Þórleifsson, varaformaður, Páll Valur Björnsson, aðalmaður, Hallfríður G Hólmgrímsdóttir, áheyrnarfulltrúi og Helga Dís Jakobsdóttir, áheyrnarfulltrúi. Einnig sátu fundinn: Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Dagskrá:
1. Malbikun gatna 2020 - 2004017
Verðkönnun í malbikunarframkvæmdir fyrir sumarið 2020 hefur farið fram. Hlaðbær Colas var með lægsta verðið. Sviðsstjóri óskar eftir heimild til að semja við Colas um verkið.
Á fjárhagsáætlun fyrir árið 2020 er gert ráð fyrir 57 milljónum í framkvæmdir við malbikun. Það er því ljóst að tilboð verktaka er umfram fjárheimildir. Þar til viðbótar má gera ráð fyrir kostnaði við eftirlit ásamt auka- og viðbótarverkum t.d. við minniháttar viðgerðir á vegum bæjarins. Óskað er eftir viðauka til að ná utan um framangreint upp á 6 milljónir króna sem fjármagnaður verður með lækkun á fjárheimild á verkefninu "Nýjar götur í Víðigerði" í fjárfestingaráætlun.
Bæjarráð felur sviðsstjóra skipulags- og umhverfissviðs að semja við Hlaðbæ Colas.
Jafnframt leggur bæjarráð til við bæjarstjórn að samþykkja viðauka að fjárhæð 6.000.000 kr. sem fjármagnaður verði með lækkun á liðnum "Nýjar götur í Víðigerði".
2. Víðigerði gatnagerð 2020 - 2004018
Verðkönnun í gatnagerð við Víðigerði hefur farið fram. GG Sigurðsson var með lægsta verðið. Sviðsstjóri óskar eftir heimild til að semja við lægstbjóðanda um verkið.
Bæjarráð felur sviðsstjóra skipulags- og umhverfissviðs að semja við GG Sigurðsson.
3. Vörslugirðingar í fjárhólfum við Grindavík - 2005011
Lagt fram erindi frá Fjáreigendafélagi Grindavíkur vegna ástands girðinga í beitarhólfum.
Bæjarráð felur bæjarstjóra að svara erindinu.
4. Salernisaðstaða við Hópið - 2004037
Sviðsstjóri frístunda- og menningarsviðs sat fundinn undir þessum dagskrárlið.
Málinu er framhaldið frá síðasta fundi.
Lögð fram beiðni um viðauka við fjárhagsáætlun ársins 2020 að fjárhæð 600.000 kr. sem fjármagnaður verði með lækkun á handbæru fé.
Bæjarráð leggur til við bæjarstjórn að samþykkja viðaukann.
5. Sumarstörf 2020 - 2004020
Sviðsstjóri frístunda- og menningarsviðs sat fundinn undir þessum dagskrárlið.
Lögð fram beiðni um viðauka vegna starfsemi Vinnuskólans að fjárhæð 122.200.000. Gert er ráð fyrir að á móti komi 5.400.000 kr. komi frá Vinnumálastofnun.
Bæjarráð leggur til við bæjarstjórn að samþykkja viðauka við fjárhagsáætlun Vinnuskólans árið 2020 að fjárhæð 122.200.000 kr. sem fjármagnaður verði með framlagi frá Vinnumálastofnun að fjárhæð 5.400.000 kr. og lækkun á handbæru fé um 116.800.000 kr.
6. Tjaldsvæði 2020 - 1910027
Upplýsinga- og markaðsfulltrúi og sviðsstjóri frístunda- og menningarsviðs sátu fundinn undir þessum dagskrárlið.
Bæjarráð felur upplýsinga- og markaðsfulltrúa að vinna málið áfram.
7. Starfsemi Kvikunnar - 1912039
Upplýsinga- og markaðsfulltrúi og sviðsstjóri frístunda- og menningarsviðs sátu fundinn undir þessum dagskrárlið.
Bæjarráð felur upplýsinga- og markaðsfulltrúa og sviðsstjóra frístunda- og menningarsviðs að vinna að breytingum innanhúss í samræmi við áður kynntar tillögur.
8. Ósk um aðstöðu fyrir Pílufélag Grindavíkur - 1809007
Sviðsstjóri frístunda- og menningarsviðs sat fundinn undir þessum dagskrárlið.
Lögð fram drög að samningi við Pílufélag Grindavíkur. Frístunda- og menningarnefnd hefur samþykkt samninginn fyrir sitt leyti.
Bæjarráð samþykkir samninginn og vísar honum til staðfestingar í bæjarstjórn.
9. Styrkumsókn vegna útgáfu á tveimur skálverkum Guðbergs Bergssonar - 2005018
Sviðsstjóri frístunda- og menningarsviðs sat fundinn undir þessum dagskrárlið.
Stofnun Vigdísar Finnbogadóttur óskar eftir styrk að upphæð kr. 1.000.000 til útgáfu tveggja skáldverka Guðbergs Bergssonar.
Bæjarráð vísar málinu til fjárhagsáætlunar fyrir árið 2021.
10. Styrkbeiðni vegna markaðsátaks - 2005016
Upplýsinga- og markaðsfulltrúi og sviðsstjóri frístunda- og menningarsviðs sátu fundinn undir þessum dagskrárlið.
Grindavík Experience óska eftir styrk til að ráðast í markaðsátak fyrir Grindavík í sumar.
Bæjarráð óskar eftir frekari gögnum fyrir næsta fund bæjarráðs.
11. Mötuneyti fyrir stofnanir Grindavíkurbæjar - 2004008
Minnisblað bæjarstjóra lagt fram.
12. Aðgerðir til að mæta fjárhagslegum áhrifum af kórónuveirunni - 2003055
Bæjarráð samþykkir að framlengja greiðslufrest fasteignagjalda vegna atvinnuhúsnæðis til næstu áramóta hjá þeim sem þess óska.
Fleira ekki gert. Fundi slitið kl. 19:10.