96. fundur Fræðslunefndar haldinn í bæjarstjórnarsal, fimmtudaginn 7. maí 2020 og hófst hann kl. 16:30.
Fundinn sátu:Guðmundur Grétar Karlsson, formaður, Arna Björg Rúnarsdóttir, aðalmaður,Siggeir Fannar Ævarsson, aðalmaður, Jóhanna Sævarsdóttir, aðalmaður,Guðbjörg Gerður Gylfadóttir, aðalmaður, Smári Jökull Jónsson, áheyrnarfulltrúi, Guðbjörg Málfríður Sveinsdóttir, grunnskólastjóri,Halldóra Sif Halldórsdóttir áheyrnarfulltrúi.
Fundargerð ritaði: Ingibjörg María Guðmundsdóttir, Yfirsálfræðingur.
Dagskrá:
1. Skipulagsdagar skólanna 2020-2021 - 2005010
Lagðar fram til kynningar hugmyndir um skipulagsdaga skólanna á næsta skólaári sem unnið var á fundi með stjórnendum og fulltrúum foreldra. Reynt er að samræma skipulagsdaga eftir mætti innan sveitarfélags. Lagt fram til kynningar.
2. Skóladagatal grunnskóla 2020-2021 - 2005004
Skólastjóri Grunnskóla leggur fram skóladagatal fyrir skólaárið 2020-2021. Fræðslunefnd samþykkir fram lagt skóladagatal með fyrirvara um að skólaráð geri ekki athugasemd við skóladagatalið.
3. Kynning á niðurstöðum samræmdra prófa í 9. bekk vor 2020 - 2005005
Skólastjóri kynnir niðurstöður úr samræmdum könnunarprófum í 9. bekk sem fram fór í vor. Lagt fram til kynningar.
4. Skólahúsnæði: Hönnun og framkvæmdir - 1802069
Pétur Breiðfjörð fulltrúi í bygginganefnd grunnskóla mætti á fundinn undir þessum lið og fór yfir stöðu mála. Fræðslunefnd lýsir yfir ánægju með drög að viðbyggingu Hópsskóla og leggur áherslu á að jarðvinna fari fram í sumarleyfi skólans til að tryggja öryggi og starfsumhverfi nemenda og starfsmanna.
5. Starfsmannakönnun Skólapúlsins vor 2020 - 2005002
Lagðar fram niðurstöður úr starfsmannakönnun Skólapúlsins sem fór fram í mars. Fræðslunefnd lýsir ánægju með góðan stuðning við kennara og starfsumhverfi þeirra.
Fleira ekki gert. Fundi slitið kl. 18:10.