1546. fundur bæjarráðs Grindavíkur haldinn í bæjarstjórnarsal, þriðjudaginn 5. maí 2020 og hófst hann kl. 17:00.
Fundinn sátu: Hjálmar Hallgrímsson, formaður, Sigurður Óli Þórleifsson, varaformaður, Páll Valur Björnsson, aðalmaður, Hallfríður G Hólmgrímsdóttir, áheyrnarfulltrúi og Helga Dís Jakobsdóttir, áheyrnarfulltrúi. Einnig sátu fundinn: Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Dagskrá:
1. Starfsumhverfi leikskóla og menntun kennara - 1809013
Sviðsstjóri félagsþjónustu- og fræðslusviðs sat fundinn undir þessum dagskrárlið.
Tillögur í 10 liðum um aðgerðir til að efla starfsumhverfi í leikskólum Grindavíkur lagðar fram. Málið hefur fengið umfjöllun í Fræðslunefnd og aflað hefur verið umsagna frá foreldraráðum beggja leikskóla. Kallað eftir afgreiðslu málsins í bæjarráði gagnvart hverjum og einum lið.
Bæjarráð frestar afgreiðslu málsins til næsta fundar.
2. Sumarstörf 2020 - 2004020
Sviðsstjóri frístunda- og menningarsviðs sat fundinn undir þessum dagskrárlið. Listi yfir umsóknir ungmenna lagður fram. Sviðsstjóra er falið að vinna málið áfram.
3. Heiti hátíðarsvæðis fyrir neðan Kvikuna - 2003013
Sviðsstjóri frístunda- og menningarsviðs sat fundinn undir þessum dagskrárlið.
Frístunda- og menningarnefnd leggur til við bæjarráð að viðburðatorgið neðan við Kvikuna verði nefnt Húllið. Heitið er sótt í hafsvæðið milli Reykjaness og Eldeyjar. Röstin er í Húllinu og viðeigandi að viðburðir í Grindavík fari fram í Röstinni eða Húllinu.
Bæjarráð samþykkir tillöguna.
4. Flöggun á fánadögum - 2003040
Sviðsstjóri frístunda- og menningarsviðs sat fundinn undir þessum dagskrárlið.
Björgunarsveitin Þorbjörn samþykkir að taka að sér að flagga á fánadögum. Óskað er eftir viðauka að upphæð kr. 550.000.
Bæjarráð leggur til við bæjarstjórn að samþykkja viðauka við fjárhagsáætlun 2020 að fjárhæð 550.000 kr. sem komi til lækkunar á handbæru fé.
5. Salernisaðstaða við Hópið - 2004037
Sviðsstjóri frístunda- og menningarsviðs sat fundinn undir þessum dagskrárlið.
Óskað er eftir heimild til þess að fjárfesta í nýjum salernisgám við Hópið og viðauka að upphæð kr. 3.500.000.
Bæjarráð frestar málinu til næsta fundar.
6. Gjafabréf til starfsmanna Grindavíkurbæjar 2020 - 2004036
Í ljósi þeirrar einstöku stöðu sem verið hefur að undanförnu vegna kórónufaraldursins og framlags starfsmanna við að leysa úr málefnum bæjarfélagsins í því sambandi, er lagt til að veita starfsmönnum umbun í formi gjafabréfs sem nýta má til úttektar hjá fyrirtækjum heimamanna í Grindavík.
Bæjarráð samþykkir að gefa starfsmönnum sem eru í starfi í maí 2020 10.000 kr. gjafabréf til nota í fyrirtækjum í Grindavík samkvæmt lista sem samþykktur var á fundinum.
Bæjarráð leggur jafnframt til við bæjarstjórn að samþykkja viðauka við fjárhagsátætlun 2020 að fjárhæð 2.500.000 kr. á rekstrareininguna 21611 og að viðaukinn komi til lækkunar á handbæru fé.
Fleira ekki gert. Fundi slitið kl. 19:40.