Grindavíkurbær vekur athygli á því að frestur til að sækja um styrki í Nýsköpunarsjóð námsmanna rennur út 8. maí nk. Styrkveiting felst í því að sjóðurinn greiðir námsmanni mánaðarlega styrki á meðan samstarfsaðili útvegar viðeigandi aðstöðu. Grindavíkurbær getur útvegað námsmönnum aðstöðu til að vinna að sínum verkefnum ef óskað er eftir því og verkefnin tengjast sveitarfélaginu á einhvern hátt.
Frekari upplýsingar um Nýsköpunarsjóð námsmanna er að finna hér.
Áhugasömum nemendum er bent á að hafa samband við Eggert Sólberg Jónsson, sviðsstjóra frístunda- og menningarsviðs, ef óskað er eftir aðstoð eða samstarfi við Grindavíkurbæ gegnum netfangið eggert@grindavik.is.