Stóri plokkdagurinn fer fram laugardaginn 25. apríl og ætlum við sannarlega að vera með! Þetta gekk mjög vel í fyrra og nú er veðurspá með besta móti.
Grindavíkurbær, Blái herinn ásamt fleiri bæjarfélögum á Suðurnesjum hafa tekið höndum saman og sett markmiðið á að vel takist til með að hreinsa bæjarfélagið.
Við hvetjum íbúa og starfsmenn Grindavíkurbæjar til að taka þátt í STÓRA PLOKKDEGINUM og jafnvel byrja bara strax enda hjálpar það eflaust til við að virða tveggja metra regluna og um leið má koma í veg fyrir hópamyndun.
Plokk á Íslandi bendir á nokkur góð heilræði fyrir helgina:
Starfsmenn Grindavíkurbæjar munu einnig leggja sitt af mörkum, bæði í hreinsun og með því að útvega búnað. Hægt er að nálgast t.d. ruslapoka og hanska í áhaldahúsinu við Hafnargötu. Þar hafa t.a.m. verið settir ruslapokar og einnota vettlingar á vörubílspalli sem stendur fyrir utan Þjónustumiðstöðina. Fólk getur komið þangað og sótt hvort tveggja og ef það getur sett fullu pokana aftur á pallinn. Binda þarf fyrir pokanna.
Ef pokar eru þungir þarf að setja þá við vegbrún og senda tilkynninu á thjonusta@grindavik.is séu þeir úr alfara leið.
Starfsmenn þjónustumiðstöðvar taka hring á mánudagsmorgun og hirða þá poka sem standa við vegbrúnina.
Tökum nú höndum saman og gerum bæinn hreinan og fínan!