Grindavíkurbćr hlýtur jafnlaunavottun

  • Fréttir
  • 2. apríl 2020
Grindavíkurbćr hlýtur jafnlaunavottun

Grindavíkurbær hefur hlotið jafnlaunavottun frá frá vottunarstofunni iCert, sem er staðfesting þess að jafnlaunakerfi Grindavíkurbæjar samræmist kröfum jafnlaunastaðalsins, ÍST85:2012. Tilgangur jafnlaunavottunar er að vinna gegn kynbundnum launamun og miða að auknu launajafnrétti kynjanna. Með þessu er markmiðið að auka almenna starfsánægju starfsmanna með gegnsærra og réttlátara launakerfi. 

Jafnlaunastefna Grindavíkurbæjar snýst um að greidd séu sömu laun fyrir jafn verðmæt störf óháð kyni þess sem sinnir starfinu. Jafnlaunastefnan er hluti af starfsmannastefnu Grindavíkurbæjar en hana má lesa í heild sinni hér.

Grindavíkurbær hefur undanfarið  verið í innleiðingu á jafnlaunakerfi með það að markmiði að hljóta jafnlaunavottun. Jafnlaunakerfið er sett upp samkvæmt jafnréttislögum og jafnlaunastaðli. Sú vinna hefur gengið vel og er jafnlaunakerfið nú tilbúið og búið að taka í notkun. Vottunarúttekt fór  fram og beðið er niðurstaðan sú að Grindavíkurbær uppfyllir öll skilyrði sem sett eru fram til að hljóta jafnlaunavottun. 
Grindavíkurbær setti sér það markmið að ekki mælist meira en 3,5% launamunur milli kynjanna en það er sá munur sem PWC hefur til viðmiðunar til að veita Gullmerki PWC í mældum launamun. 
 
3,5% er það viðmið sem PWC metur sem eðlileg skekkjumörk við launagreiningu á heildarlaunum þar sem launagreiningarlíkan nær aldrei yfir allar hugsanlegar breytur. 

Niðurstöður úr launagreiningu sem PWC framkvæmdi fyrir Grindavíkurbæ lágu fyrir í mars. Kynjadreifing hjá Grindavíkurbæ er almennt býsna ójöfn. Í úrtaksmánuði voru launamenn 226 sem skiptast þannig að karlmenn voru 53 á móti 173 konum. 
 
Launamunur á grunnlaunum þegar tekið er tillit til starfsmats og persónubundinna þátta er 3,4% konum í vil. Launamunur á heildarlaunum þegar tekið er tillit til starfsmats og persónubundinna þátta mældist 3,7% körlum í vil. 

Þetta er nálægt þeim markmiðum sem Grindavíkurbær hefur sett sér en útbótavinna er þegar farin af stað og er stefnt á að ná 3,5% markinu sem fyrst.


Deildu ţessari frétt

Nýjustu fréttir

Tónleikar međ Kela á Fish House

  • Fréttir
  • 27. maí 2020

Listasmiđja barna á Húllinu

  • Fréttir
  • 26. maí 2020

Sumargleđi í Sjómannagarđinum

  • Grunnskólafréttir
  • 19. maí 2020

Kristinn Pálsson til Grindavíkur

  • Körfubolti
  • 16. maí 2020