504. fundur bæjarstjórnar Grindavíkur haldinn í Gjánni, mánudaginn 16. mars 2020 og hófst hann kl. 17:00.
Fundinn sátu:
Sigurður Óli Þórleifsson forseti, Birgitta H. Ramsay Káradóttir aðalmaður,
Guðmundur L. Pálsson aðalmaður, Hjálmar Hallgrímsson aðalmaður,
Hallfríður G Hólmgrímsdóttir aðalmaður, Páll Valur Björnsson aðalmaður og
Helga Dís Jakobsdóttir aðalmaður.
Einnig sátu fundinn: Fannar Jónasson bæjarstjóri og Jón Þórisson, sviðsstjóri fjármála- og stjórnsýslusviðs.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Í upphafi fundar leggur forseti til að öll mál fundarins verði rædd fyrir luktum dyrum.
Samþykkt samhljóða.
Jafnframt óskar forseti eftir að fá að taka á dagskrá eftirfarandi mál með afbrigðum á undan auglýstum dagskrárlið:
1912039 - Starfsemi Kvikunnar
2003013 - Heiti hátíðarsvæðis fyrir neðan Kvikuna
1809007 - Ósk um aðstöðu fyrir Pílufélag Grindavíkur
2002076 - Samstarf sundlauga á Suðurnesjum
2003043 - Styrkbeiðni vegna bókar um ránið í Grindavík 1628
2003040 - Flöggun á fánadögum
Samþykkt samhljóða.
Dagskrá:
1. Starfsemi Kvikunnar - 1912039
Sviðsstjóri frístunda- og menningarsviðs sat fundinn undir þessum dagskrárlið.
Til máls tóku: Sigurður Óli, sviðsstjóri frístunda- og menningarsviðs, Guðmundur, bæjarstjóri, Hallfríður, Birgitta, Helga Dís, Páll Valur og Hjálmar.
Greinargerð um nýtingu hússins og framtíðarskref lögð fram.
2. Heiti hátíðarsvæðis fyrir neðan Kvikuna - 2003013
Sviðsstjóri frístunda- og menningarsviðs sat fundinn undir þessum dagskrárlið.
Til máls tóku: Sigurður Óli, Guðmundur, Páll Valur, Birgitta, Hjálmar, Hallfríður og Helga Dís.
Lögð fram tillaga að samkeppni um heiti á hátíðarsvæðið við Seljabót fyrir neðan Kvikuna. Heiti svæðisins skal sækja innblástur í sjósókn og sjávarútveg.
3. Ósk um aðstöðu fyrir Pílufélag Grindavíkur - 1809007
Sviðsstjóri frístunda- og menningarsviðs sat fundinn undir þessum dagskrárlið.
Málið tekið á dagskrá að beiðni Sigurðar Óla Þórleifssonar.
Til máls tóku: Sigurður Óli, Hallfríður, Helga Dís, sviðsstjóri frístunda- og menningarsviðs, Páll Valur, Birgitta, Guðmundur, bæjarstjóri og Hjálmar.
Málinu vísað til umfjöllunar í frístunda- og menningarnefnd.
4. Samstarf sundlauga á Suðurnesjum - 2002076
Sviðsstjóri frístunda- og menningarsviðs sat fundinn undir þessum dagskrárlið.
Til máls tóku: Sigurður Óli, sviðsstjóri frístunda- og menningarsviðs, Hallfríður, Hjalmar, Guðmundur, Birgitta, Páll Valur og Helga Dís.
Lagt fram minnisblað samráðshóps um heilsueflandi samfélag á Suðurnesjum. Samráðshópurinn leggur til við sveitarfélögin á Suðurnesjum að:
a) fella niður gjöld fyrir börn og ungmenni yngri en 18 ára þvert á sveitarfélög.
b) árskort í sundlaugarnar gildi á milli sundlauga á Suðurnesjum.
Frístunda- og menningarnefnd leggur til að öll árskort í sundlaugar á Suðurnesjum gildi á milli lauga á svæðinu að því gefnu að önnur sveitarfélög á Suðurnesjum samþykki tillögur samráðshópsins.
Bæjarstjórn samþykkir bókun frístunda- og menningarnefndar.
5. Styrkbeiðni vegna bókar um ránið í Grindavík 1628 - 2003043
Sviðsstjóri frístunda- og menningarsviðs sat fundinn undir þessum dagskrárlið.
Til máls tóku: Sigurður Óli, sviðsstjóri frístunda- og menningarsviðs, Guðmundur, Hallfríður, Birgitta, Páll Valur og Guðmundur, Helga Dís og Hjálmar.
Minja- og sögufélag Grindavíkur býður Grindavíkurbæ til kaups 500 eintök á 2.500 kr. stk. á ensku.
Bæjarstjórn lýsir áhuga á að kaupa 200 bækur fyrir 500.000 kr. og felur bæjarstjóra að vinna málið áfram.
6. Flöggun á fánadögum - 2003040
Sviðsstjóri frístunda- og menningarsviðs sat fundinn undir þessum dagskrárlið.
Til máls tóku: Sigurður Óli, sviðsstjóri frístunda- og menningarsviðs, Guðmundur, Hjalmar, Páll Valur, Hallfríður, Birgitta, Helga Dís og Hjálmar.
Verktaki sem séð hefur um flöggun á vegum Grindavíkurbæjar hefur sagt upp samningnum.
Bæjarstjórn samþykkir að auglýsa eftir aðila til að sjá um flöggunina.
7. Kórónuveiran COVID-19 - 2003020
Til máls tóku: Sigurður Óli, bæjarstjóri, Guðmundur, Hallfríður, Birgitta, Helga Dís, Hjálmar, Páll Valur og sviðsstjóri fjármála- og stjórnsýslusviðs.
Lögð fram viðbragðsáætlun og erindisbréf neyðarstjórnar.
Bæjarráð hefur samþykkt áætlunina og erindisbréfið.
Bæjarstjórn staðfestir neyðaráætlunina og erindisbréf neyðarstjórnar.
Bæjarstjórn áréttar að stofnanir bæjarins þurfa samþykki neyðarstjórnar fyrir starfseminni á meðan neyðarástand varir en neyðarstjórn starfar í umboði bæjarstjórnar.
Fleira ekki gert. Fundi slitið kl. 19:10.