Grindvíkingurinn Guðjón Hauksson varð í gær Íslandsmeistari í pílukasti í tvímenning, þar sem tveir og tveir spila. Þeir félagar Guðjón og Þorgeir Guðmundsson unnu útslitaviðureignina á móti Vitor Charrua og Hallgrími Egilssyni. Dagurinn hafði gengið mjög vel hjá þeim félögum en góð spilamennska skilaði þeim 7-1 sigri í úrslitaviðureigninni.
Guðjón Hauksson hefur augljóslega engu gleymt en hann er margfaldur Íslandsmeistari í pílukasti í einmenning.
Við óskum Guðjóni og Þorgeiri innilega til hamingju með sigurinn.
Mynd efst: Hörður Guðjónsson
Mynd: Live Dart Iceland