95. fundur Fræðslunefndar haldinn í bæjarstjórnarsal, fimmtudaginn 5. mars 2020 og hófst hann kl. 16:30.

Fundinn sátu:
Guðmundur Grétar Karlsson, formaður, Arna Björg Rúnarsdóttir, aðalmaður, Siggeir Fannar Ævarsson, aðalmaður, Guðbjörg Gerður Gylfadóttir, aðalmaður, Nökkvi Már Jónsson, sviðsstjóri félagsþjónustu- og fræðslusviðs, Valdís Kristinsdóttir, áheyrnarfulltrúi, Sæborg Reynisdóttir, áheyrnarfulltrúi, Guðmundur Örn Sverrisson, áheyrnarfulltrúi, Fríða Egilsdóttir, leikskólastjóri, Inga Þórðardóttir, skólastjóri, Guðbjörg Málfríður Sveinsdóttir, grunnskólastjóri og Hulda Jóhannsdóttir, leikskólastjóri. 

Fundargerð ritaði:  Ingibjörg María Guðmundsdóttir, Yfirsálfræðingur.

Dagskrá:

1.     hvatningarverðlaun fræðslunefndar 2020 - 2003010
    Verklagsreglur um hvatningarverðlaun fræðslunefndar lagðar fram til umræðu. 
Fræðslunefnd samþykkir eftirfarandi breytingar á verklagsreglum: Að áheyrnarfulltrúar eru ekki með í vali á verkefni vegna mögulegra hagsmunaárekstra og að auglýst verði eftir tilnefningum annað hvert ár. Fræðslunefnd samþykkir að auglýsa eftir tilnefningum vorið 2020.
        
2.     Reglur um lyfjagjafir barna í skólum Grindavíkurbæjar - 1812006
    Málið tekið á dagskrá með afbrigðum. 
Áheyrnarfulltrúi kennara í grunnskóla lagði fram svohljóðandi bókun starfsmannafundar frá því fyrr í dag vegna samþykktar bæjarráðs um breytingu á reglum um lyfjagjafir í skólum Grindavíkurbæjar. Vegna lyfjagjafar til nemenda á skólatíma:Starfsmenn á starfsmannafundi Grunnskóla Grindavíkur, þann 5. mars mótmæla harðlega samþykkt bæjarráðs á viðauka um lyfjagjafir í grunnskólanum. Fundargestir telja það ekki í verkahring sínum að sinna lyfjagjöfum til nemenda. Það er mikill ábyrgðarhluti að setja slíkar kvaðir á starfsfólk skólans og ekki boðlegt að varpa ábyrgðinni yfir á það. 
Fræðslunefnd gerir athugasemd við að reglum nefndarinnar er breytt án samráðs. Reglurnar voru samþykktar í góðu samráði og að vel ígrunduðu máli. Frá þeim tíma hafa forsendur ekki breyst. Einnig telur nefndin það óljóst hver eigi að gefa lyfin og taka ábyrgð á þeim. Fræðslunefnd telur lyfjagjafir eigi betur heima hjá heilbrigðismenntuðu fólki s.s. skólahjúkrunarfræðingi. 

        
3.     Starfsumhverfi leikskóla og menntun kennara - 1809013
    Lagðar fram tillögur til að efla starfsumhverfi leikskóla. Fræðslunefnd samþykkir fram lagðar tillögur og felur sviðsstjóra að afla umsagnar foreldraráða leikskólanna og starfsmanna og leggja tillögur og umsagnir fyrir bæjarráð. 
Fræðslunefnd felur leikskólastjórum að útfæra samstarfið vegna faglegrar forystu þannig að tveggja tíma fundur með þátttakendum innan hvors skóla verði greiddur sem yfirvinna. 
        

Fleira ekki gert. Fundi slitið kl. 18:20.
 

• Síðast uppfært: 9. mars 2020