Á gamlársdag fór fram kjör á íþróttafólki Grindavíkur. Það voru þau Hrund Skúladóttir og Jón Axel Guðmundsson sem fengu verðlaunin í ár. Hér fyrir neðan má sjá viðtal við þau Hrund og Guðmund Bragason, faðir Jóns Axels, sem tók við verðlaununum í hans fjarveru. Körfuboltahæfileikarnir eru í ættinni hjá þeim báðum en sjálfur hefur Guðmundur Bragason hlotið þessa nafnbót í fjögur skipti. Hann var fyrstur til að hljóta hana þegar verðlaunin voru fyrst veitt árið 1988. Síðan árin 1991, 1995 og 1996. Systir Hrundar, Petrúnella Skúladóttir hlaut verðlaunin árið 2013, 2015 og 2016. Jón Axel var að fá verðlaunin í annað sinn em hann hlaut þau fyrst árið 2015.