89. fundur frístunda- og menningarnefndar haldinn í bæjarstjórnarsal, 5. desember 2019 og hófst hann kl. 16:30.
Fundinn sátu:
Jóna Rut Jónsdóttir, formaður, Kristín Gísladóttir, varamaður, Þórunn Erlingsdóttir, aðalmaður, Bjarni Þórarinn Hallfreðsson, aðalmaður, Ólöf Helga Pálsdóttir, varamaður og Eggert Sólberg Jónsson, sviðsstjóri frístunda- og menningarsviðs.
Fundargerð ritaði: Eggert Sólberg Jónsson, sviðsstjóri frístunda- og menningarsviðs.
Dagskrá:
1. Starfsemi Þrumunnar - 1912007
Á fundinn mætti Jóhann Árni Ólafsson forstöðumaður félagsmiðstöðvarinnar Þrumunnar og kynnti starfsemi félagsmiðstöðvarinnar.
2. Samstarfssamningur við Slysavarnardeildina Þórkötlu 2020-2021 - 1906014
Lögð fram drög að samstarfssamningi við Slysavarnardeildina Þórkötlu 2020-2021. Nefndin samþykkir samninginn fyrir sitt leyti og vísar honum til afgreiðslu í bæjarráði.
3. Aðalstjórn UMFG: Samstarfssamningur 2019-2021 - 1710022
Samstarfssamningur við aðalstjórn UMFG 2020-2024 lagður fram til kynningar.
4. Íþróttafólk Grindavíkur 2019 - 1910074
Samkvæmt verklagsreglum um kjör á íþróttafólki Grindavíkur er frístunda- og menningarnefnd heimilt að tilnefna einstaklinga með lögheimili í Grindavík sem skarað hafa fram úr í íþróttum sem ekki er hægt að stunda sem keppnisgreinar í Grindavík og því utan deilda UMFG eða íþróttafélaga í Grindavík. Nefndin samþykkir að tilnefna Matthías Örn Friðriksson, pílukastara, í kjörið.
5. Menningarviðurkenningar Grindavíkurbæjar - 1910001
Drög að verklagsreglum vegna afhendingar menningarviðurkenninga Grindavíkurbæjar lagðar fram. Drögin voru auglýst á vef bæjarins og bárust engar athugasemdir. Nefndin samþykkir verklagsreglurnar fyrir sitt leyti með áorðnum breytingum og vísar þeim til afgreiðslu í bæjarráði.
6. Sjávarauðlindaskólinn 2019 - 1911011
Starfsskýrsla Sjávarauðlindaskólans sumarið 2019 lögð fram til kynningar.
Fleira ekki gert. Fundi slitið kl. 17:40.