1534. fundur bæjarráðs Grindavíkur haldinn í bæjarstjórnarsal, þriðjudaginn 10. desember 2019 og hófst hann kl. 17:00.
Fundinn sátu: Hjálmar Hallgrímsson, formaður, Hallfríður G Hólmgrímsdóttir, áheyrnarfulltrúi, Sævar Þór Birgisson, varamaður fyrir Helgu Dís Jakobsdóttur, Anton Kristinn Guðmundsson, varamaður fyrir Sigurð Óla Þórleifsson og Sigurður Enoksson, varamaður fyrir Pál Val Björnsson.
Einnig sátu fundinn: Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Í upphafi fundar bauð varaformaður Anton velkominn á sinn fyrsta bæjarráðsfund.
Dagskrá:
1. Leikskólahúsnæði; Aukning/stækkun - 1807010
Hönnun á nýjum leikskóla var kynnt bæjarbúum á heimasíðu bæjarins á tímabilinu 19.nóvember til 5.desember. Ein athugasemd barst til sviðstóra á þessum tíma sem snerist um staðsetningu leikskóla gagnavart skjóli og lóð.
Staðsetning á leikskóla verður með öðrum hætti en kynningarmyndband sýndi. Skjól fyrir veðri og vindum verður haft í huga. Bílastæði verða þannig að umferðaröryggi á svæðinu verði sem best og gönguleiðir stuttar.
Óskað er eftir heimild til að halda áfram með hönnun á nýjum leikskóla í samræmi við fyrirliggjandi tillögur með það fyrir augum að ljúka hönnun á mannvirkinu á árinu 2020 eins og fjárhagsáætlun segir til um. Tilboð ráðgjafa er lagt til grundvallar og óskað eftir heimild til að ganga til samninga byggt á því.
Eftirlit og byggingarstjórn verður boðin út sérstaklega.
Bæjarráð felur sviðsstjóra skipulags- og umhverfissvið að ganga til samninga við hönnuð á grunni tilboðsins.
2. Skólahúsnæði: Hönnun og framkvæmdir - 1802069
Tilboð frá 5 verkfræðistofum liggja fyrir vegna verkfræðilegrar hönnunar á viðbyggingu Hópsskóla. Þá liggur fyrir tilboð frá Kolgátu sem arkitekts byggingar.
Óskað er eftir heimild til að semja við VSÓ vegna verkfræðihönnunar og Kollgátu vegna arkitekts.
Bæjarráð felur sviðsstjóra skipulags- og umhverfissvið að semja við VSÓ og Kollgátu á grunni tilboða frá þeim.
3. Frágangur á lóð í kringum íþróttahús - 1909018
Sviðsstjóri frístunda- og menningarsviðs sat fundinn undir þessum dagskrárlið.
Staða á hönnun á svæði í kringum íþróttamannvirki lögð fram til kynningar. Næstu skref eru að vinna í kostnaðaráætlun og hugsanlegri áfangaskiptingu verks.
Fjárfestingaráætlun gerir ráð fyrir 40 milljónum í verkefnið á næsta ári.
4. Samstarfssamningur við Slysavarnardeildina Þórkötlu 2020-2021 - 1906014
Sviðsstjóri frístunda- og menningarsviðs sat fundinn undir þessum dagskrárlið.
Lögð fram drög að samstarfssamningi við Slysavarnardeildina Þórkötlu 2020-2021.
Bæjarráð vísar samningnum til samþykktar í bæjarstjórn.
5. Menningarviðurkenningar Grindavíkurbæjar - 1910001
Sviðsstjóri frístunda- og menningarsviðs sat fundinn undir þessum dagskrárlið.
Lögð fram drög að verklagsreglum vegna afhendingar menningarviðurkenninga. Frístunda- og menningarnefnd hefur samþykkt reglurnar fyrir sitt leyti.
Bæjarráð samþykkir reglurnar.
6. Málefni fatlaðs fólks - Beiðni um viðauka - 1912019
Sviðsstjóri félagsþjónustu- og fræðslusviðs sat fundinn undir þessum dagskrárlið.
Sótt er um viðauka að fjárhæð 10.420.000 kr. vegna aukinnar þjónustuþarfar.
Bæjarráð leggur til við bæjarstjórn að samþykkja viðauka á fjárhagsáætlun 2020 að fjárhæð 10.420.000 kr. á launaliði Sambýlis við Túngötu. Fjármögnun verði með lækkun á handbæru fé.
7. Rekstrarform Kvikunnar - 1910026
Lögð fram skjöl vegna slita á sjálfseignarstofnuninni "Saltfisksetur Íslands í Grindavík."
Jafnframt er lögð fram beiðni um viðauka á rekstur Saltfisksetur að fjárhæð 4.790.202 kr. til að jafna út eigið fé. Fjármögnun viðaukans verði með lækkun á handbæru fé.
Bæjarráð leggur til við bæjarstjórn að samþykkja viðaukann.
8. Jafnlaunavottun - 1902033
Bæjarráð samþykkir að jafnlaunastefnan sem samþykkt var á síðasta fundi bæjarráðs verði sérstakur kafli í starfsmannastefnu Grindavíkurbæjar og vísar starfmannastefnunni með þeirri breytingu til samþykktar í bæjarstjórn.
9. Kvikmyndataka í Breiðdal norðan Kleifarvatns - 1910050
Samningur um leigu á „tökustað“ frá Truenorth ehf. lagður fram.
Grindavíkurbær getur ekki skrifað undir samninginn sem leigusali þar sem landið er í eigu íslenska ríkisins.
10. Beiðni frá Ítalíu um vinabæjarsamskipti - 1912021
Bæjarfélagið Pomarance í Toskanahéraði á Ítalíu óskar eftir að gerast vinabær Grindavíkur.
Grindavíkurbær hefur ekki getað sinnt samskiptum við núverandi vinabæi eins vel og ætti að vera og því hefur hann ekki tök á að bæta við vinabæjum að svo stöddu.
Fleira ekki gert. Fundi slitið kl. 18:10.