Grindvískt tónlistarfólk kemur fram á styrktartónleikum fyrir Sólrúnu Öldu

• Fréttir
• 3. desember 2019

Úrval grindvískra tónlistarmanna stígur á stokk þriðjudagskvöldið 10. desember næstkomandi. Þá verða haldnir styrktartónleikar fyrir Sólrúnu Öldu og fjölskyldu hennar á veitingastaðnum Bryggjunni. Sigríður María Eyþórsdóttir er forsprakki styrktartónleikanna. Í gær sagði hún í samtali við vef Mannlífs  að fólk í Grindavík væri allt svo tengt þegar eitthvað kæmi upp á enda um lítið samfélag að ræða. 

"Tónleikarnir eru í nafni Sólrúnar Öldu, en þau voru tvö sem slösuðust, Sólrún Alda og kærasti hennar Rahmon,“ segir Sigríður. „Við notum hennar nafn vegna tengingar hennar við Grindavík, en allt sem safnast verður í höndum fjölskyldu hennar sem mun sjá um að deila söfnunarfénu þar sem þörfin er mest. Við gleymum ekki Rahmon þó að nafn hans sé ekki í heiti tónleikanna, hann stendur líka í ströngu og fjölskylda hans.“

Sigríður María

• Síðast uppfært: 3. desember 2019