Málþing um börn og samgöngur var haldið í gær, mánudaginn 18. nóvember á vegum samgöngu- og sveitarstjórnarráðuneytisins í samvinnu við Samgöngustofu, Vegagerðina og Samband íslenskra sveitarfélaga.
Á málþinginu flutti formaður Ungmennaráðs Grindavíkur, Karín Óla Eiríksdóttir, erindi um málþingið sem Ungmennaráð Grindavíkur hélt fyrir ári síðan um öryggi í umferðinni. Karín Óla sagði á FB síðu sinni að það hefði verið ótrúlega gaman að fá að taka þátt í þessu frábæra málþingi og heiður að fá að halda verkefni Ungmennaráðs Grindavíkur á lofti.