Dagur íslenskrar tungu

  • Grunnskólafréttir
  • 16. nóvember 2019
Dagur íslenskrar tungu

Dagur íslenskrar tungu er haldinn hátíðlegur 16.nóvember ár hvert en það er einmitt fæðingardagur Jónasar Hallgrímssonar sem er eitt merkasta skáld okkar Íslendinga. Nemendur á miðstigi tóku forskot á hátíðahöldin í dag þar sem 6.bekkur sýnti atriði á sal fyrir nemendur 4. og 5.bekkja. Dagskráin markaði sömuleiðis lok lestrarátaksins sem verið hefur í gangi á miðstiginu síðustu tvær vikur.

Nemendur 6.bekkja höfðu veg og vanda af dagskránni í dag og stóðu sig með mikilli prýði. Helgi Hróar var kynnir hátíðarinnar og fórst það verk vel úr hendi.

Lesin voru ljóð eftir Jónas, nemendur í 6.GD lásu frumsamið ljóð og þá var tónlistaratriði í samvinnu við Tónlistarskólann. Að sjálfsögðu var Íslenskuljóðið síðan sungið en það er lag eftir Jóhann Helgason við texta Þórarins Eldjárn.

Hér fyrir neðan má sjá myndir frá viðburðinum í dag.


Þórey Tea og Hekla Sóley léku á þverflautu.



Sandra Ósk, Andri Karl og Viktor Veigar lásu ljóð.


Jenný, Gunnar Helgi og Bylgja Björk lásu ljóð sem nemendur í 6.GD sömdu um umhverfið.


Helgi Hróar sá um að kynna dagskrána.


Deildu ţessari frétt

Nýjustu fréttir

Tónleikar međ Kela á Fish House

  • Fréttir
  • 27. maí 2020

Listasmiđja barna á Húllinu

  • Fréttir
  • 26. maí 2020

Sumargleđi í Sjómannagarđinum

  • Grunnskólafréttir
  • 19. maí 2020

Kristinn Pálsson til Grindavíkur

  • Körfubolti
  • 16. maí 2020