1531. fundur bæjarráðs Grindavíkur haldinn í bæjarstjórnarsal, þriðjudaginn 12. nóvember 2019 og hófst hann kl. 16:00.

Fundinn sátu:
Hjálmar Hallgrímsson, formaður, Sigurður Óli Þórleifsson, varaformaður, Páll Valur Björnsson, aðalmaður, Helga Dís Jakobsdóttir, áheyrnarfulltrúi og Hallfríður G Hólmgrímsdóttir, áheyrnarfulltrúi. 

Einnig sátu fundinn: 
Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri. 

Fundargerð ritaði:  Jón Þórisson, sviðsstjóri fjármála- og stjórnsýslusviðs.

Dagskrá:

1.      Fjárhagsáætlun 2020-2023 - Grindavíkurbær og stofnanir - 1907008
    Guðmundur Pálsson, bæjarfulltrúi sat fundinn undir þessum dagskrárlið. 

Við yfirferð á áætlun hafnarinnar sat hafnarstjóri fundinn. 
Við yfirferð á leikskólamálum sat sviðsstjóri félagsþjónustu- og fræðslusviðs fundinn. 

Bæjarráð felur sviðsstjóra fjármála- og stjórnsýslusviðs að uppfæra áætlunina miðað við umræður á fundinum og leggja hana fyrir næsta bæjarráðsfund. 
         
2.      Skólahjúkrun í grunnskólanum - 1904068
    Sviðsstjóri félagsþjónustu- og fræðslusviðs sat fundinn undir þessum dagskrárlið. 

Fræðslunefnd leggur til við bæjarráð að farið verði í viðræður við HSS um að grunnskólanemendur í Grindavík njóti heilsuverndar í grunnskólanum í samræmi við viðmið landlæknis. 

Bæjarráð tekur undir bókun fræðslunefndar og felur sviðsstjóra félagsþjónustu- og fræðslusviðs að vinna málið áfram.
         
3.      Rannsóknarleyfi til varmaframleiðslu í Krýsuvík - 1911006
    Orkuveita Reykjavíkur hefur sent Orkustofnun umsókn um rannsóknarleyfi á jarðhitasvæðinu í Krísuvík. Lagt fram minnisblað og kynningarefni frá OR vegna málsins.
         
4.      Beiðni um styrk vegna breytinga á knattspyrnuklefum - 1910081
    Máli framhaldið frá síðasta fundi. Lögð fram umsögn forstöðumanns íþróttamannvirkja. 

Bæjarráð samþykkir erindið á árið 2020 og felur sviðsstjóra fjármála- og stjórnsýslusviðs að uppfæra áætlunina um 737.000 kr. 
         
5.      Auglýsingar á stigatöflu í íþróttasal - 1911024
    Körfuknattleiksdeild UMFG óskar eftir heimild til þess að selja auglýsingar við hlið stigatöflu í íþróttasal. 

Bæjarráð samþykkir erindið.
         
6.      Forskoðun á kostum sameiningar - 1911009
    Lagt fram bréf frá Capacent þar sem félagið býður sveitarfélögum aðstoð við forskoðun og að leggja mat á ávinning af sameiningu.
         

Fleira ekki gert. Fundi slitið kl. 19:10.
 

• Síðast uppfært: 13. nóvember 2019