Grenndarkynning á óverulegri deiliskipulagsbreytingu norðan Hópsbrautar í Grindavík

• Skipulagssvið
• 24. október 2019

Um er að ræða óverulegar breytingar á deiliskipulagi skv. 2. mgr. 43. gr. skipulagslaga nr. 123/2010. Breytingarnar eru gerðar á stærð og nýtingarhlutfalli lóða við Víkurhóp 30 og 32 ásamt því að krafa um bílageymslu er felld út. Að auki eru lóðunum við Víkurhóp 25-29 og 39-43 skipt upp í fjórar raðhúsalóðir og skil milli lóða að Víkurhópi 31-37 og 45-51 færast til.

Breytingartillagan er aðgengileg á heimasíðu bæjarins, www.grindavik.is. Þeir sem telja sig hafa hagsmuna að gæta geta sent inn athugasemdir til 21. nóvember 2019 til Atla Geirs Júlíussonar, sviðsstjóra skipulags- og umhverfissviðs, á netfangið atligeir@grindavik.is eða skrifstofu bæjarins merkt: 

"Skipulagsbreytingar við Víkurhóp"

Atli Geir Júlíusson, sviðsstjóri skipulags- og umhverfissviðs

Hér má finna deiliskipulagsbreytinguna. 

• Síðast uppfært: 24. október 2019