Grindavíkurbær auglýsir starf verkefnastjóra Kvikunnar, auðlinda- og menningarhúss bæjarins laust til umsóknar. Um er að ræða tímabundna ráðningu til eins árs með möguleika á framtíðarráðningu. Æskilegt er að viðkomandi geti hafið störf fljótlega á árinu 2020. Frá því í vor hefur verið unnið að stefnumótun Kvikunnar. Ráðning verkefnisstjóra er næsta skref í stefnumótunarferlinu.
Helstu verkefni:
• Áætlanagerð um þróun tækifæra í kjölfar stefnumótunar Kvikunnar
• Tengslamyndun og þróun samskipta við starfsfólk Grindavíkurbæjar og atvinnulífið í Grindavík
• Hrinda í framkvæmd ýmsum menningartengdum verkefnum
• Vinna að uppbyggingu á þjónustu við ferðamenn og þátttaka í stefnumótandi ákvörðunum
• Samstarf við hagsmunaaðila
• Vinna að auknu samstarfi fyrirtækja og stofnana
Menntunar- og hæfniskröfur:
• Menntun sem nýtist í starfi, háskólamenntun æskileg
• Þekking á samfélagi og atvinnulífi í Grindavík er kostur
• Reynsla sem nýtist í starfi
• Geta til að tjá sig í ræðu og riti á íslensku og ensku
• Góðir hæfileikar til tengslamyndunar
• Þjónustulund
• Hæfni í mannlegum samskiptum
• Geta unnið sjáfstætt og sýnt frumkvæði í starfi
Nánari upplýsingar um starfið veita Eggert Sólberg Jónsson sviðsstjóri frístunda- og menningarsviðs á netfangið eggert@grindavik og Kristín María Birgisdóttir upplýsinga- og markaðsfulltrúi á kristinmaria@grindavik.is
Kynningarbréf ásamt ferilsskrá skal berast á ofangreind netföng eða í umslag merkt "Verkefnastjóri Kvikunnar" í afgreiðslu bæjarskrifstofa, til og með 12.nóvember n.k en þá rennur umsóknarfrestur út.