87. fundur frístunda- og menningarnefndar haldinn í bæjarstjórnarsal, 2. október 2019 og hófst hann kl. 17:00.
Fundinn sátu:
Jóna Rut Jónsdóttir, formaður, Garðar Alfreðsson, aðalmaður, Þórunn Erlingsdóttir, aðalmaður, Bjarni Þórarinn Hallfreðsson, aðalmaður, Alexander Veigar Þórarinsson, aðalmaður, Bjarni Már Svavarsson, áheyrnarfulltrúi og Eggert Sólberg Jónsson, sviðsstjóri frístunda- og menningarsviðs.
Fundargerð ritaði: Eggert Sólberg Jónsson, Sviðsstjóri frístunda- og menningarsviðs.
Dagskrá:
1. Aðalstjórn UMFG: Samstarfssamningur 2019-2021 - 1710022
Drög að samstarfssamningi við aðalastjórn UMFG 2020-2021 lögð fram með athugasemdum aðalstjórnar UMFG. Frístunda- og menningarnefnd felur sviðsstjóra frístunda- og menningarsviðs að vinna áfram í málinu.
2. Styrkbeiðni vegna B-liðs - 1909010
B-lið UMFG í meistarflokki kvenna í körfuknattleik óskar eftir styrk til þátttöku í íslandsmóti. Frístunda- og menningarnefnd felur sviðsstjóra frístunda- og menningarsviðs að vinna áfram í málinu.
3. Skipulag sundlaugarsvæðis - 1906024
Þarfagreining vegna framtíðaruppbyggingar sundlaugarsvæðis í Grindavík lögð fram. Frístunda- og menningarnefnd lýsir ánægju sinni með greininguna og leggur til við bæjarráð að skipuð verði bygginganefnd til þess að fylgja eftir tillögunum sem fram koma í skýrslunni.
4. Afrekssjóður - 1905080
Frístunda- og menningarnefnd staðfestir eftirfarandi úthlutanir úr Íþrótta- og afrekssjóði:
Alex Máni Pétursson: 30.000 kr.
Alexander Veigar Þorvaldsson: 30.000 kr.
Jóhann Dagur Bjarnason: 50.000 kr.
Tómas Breki Bjarnason: 30.000 kr.
5. Ósk um aðstöðu fyrir Pílufélag Grindavíkur - 1809007
Uppfærð drög að samstarfssamningi við Pílufélag Grindavíkur 2020-2021 lögð fram. Frístunda- og menningarnefnd samþykkir samninginn fyrir sitt leyti og vísar honum til afgreiðslu í bæjarráði.
6. Samstarfssamningur við Slysavarnardeildina Þórkötlu 2020-2021 - 1906014
Rætt um samstarfssamning við Slysavarnardeildina Þórkötlu. Frístunda- og menningarnefnd felur sviðsstjóra frístunda- og menningarsviðs að vinna áfram í málinu.
7. Viðburðir um jól og áramót 2019-2020 - 1908132
Tendrað verður á jólatré Grindavíkurbæjar fyrir framan Íþróttamiðstöðina 29. nóvember, jólaball Grindavíkur fer fram í Gjánni 27. desember og þrettándagleði í og við Kvikuna 6. janúar. Ekki verður ármaótabrenna á vegum Grindavíkurbæjar líkt og undanfarin ár.
8. Gönguleið um sjávartengdar minjar - 1810058
Lögð fram hugmynd að gönguleið um sjávartengdar minjar í Grindavík ásamt tillögu Landmótunar um bætt aðgengi gangandi að hafnarsvæðinu. Frístunda- og menningarnefnd lýsir yfir ánægju með fyrstu drög að gönguleiðinni. Nefndin leggur áherslu á að Kvikan verði anddyrri hafnarinnar og gætt verði að góðri tengingu við Sjómannagarðinn.
9. Menningarviðurkenningar Grindavíkurbæjar - 1910001
Rætt um reglur um tilnefningu bæjarlistamanns Grindavíkurbæjar og reglur um menningarverðlaun Grindavíkur. Frístunda- og menningarnefnd felur sviðsstjóra frístunda- og menningarsviðs að leggja fram tillögu að verklagsreglum vegna afhendingar menningarviðurkenninga Grindavíkurbæjar.
Fleira ekki gert. Fundi slitið kl. 19:30.