Á mánudaginn kom Sólborg Guðbrandsdóttir í heimsókn hingað til okkar á Ásabrautina og hélt fyrirlestur fyrir nemendur unglingastigs.
Sólborg er stofnandi síðunnar "Fávitar" sem finna má á Instagram og hefur það að markmiði að fræða og berjast gegn stafrænu og annars konar kynferðisofbeldi. Síðustu mánuði hefur Sólborg hitt hundruði unglinga í skólum og félagsmiðstöðvum og frætt þau um samskipti, mörk, kynferðislegt ofbeldi og jafnrétti.
Fyrirlesturinn var vel heppnaður og viljum við nota tækifærið og þakka Sólborgu kærlega fyrir komuna til okkar í Grunnskóla Grindavíkur.