Árlegt lokahóf Knattspyrnudeildar Grindavíkur fer fram á laugardaginn en sala aðgöngumiða bæði á lokahóf og ballið er í fullum gangi. Sala miða fer fram í Sjóvá á morgun, fimmtudag kl. 9:30 - 16:00 og föstudag 09:30 - 12:15 og svo í Gula húsinu frá kl 11.00 - 13:00.
Dagskrá kvöldsins er hin glæsilegasta en með veislustjórn kvöldsins fer hinn landskunnugi fréttamaður Gísli Einarsson. Pétur Jóhann mætir á svæðið og kítlar hláturtaugarnar og þá munu Stebbi Jak og Andri taka lagið en þeir eru þekkir fyrir Föstudagslögin.
Hlaðborð verður að hætti Bibbans og Atla Kolbeins og þegar veisludagskrá lýkur mun hljómsveitin Sue halda uppi fjörinu til klukkan 3:00.