Ţórkötlur fengu gjöf í ţakkarskyni

  • Fréttir
  • 4. september 2019
Ţórkötlur fengu gjöf í ţakkarskyni

Árlega sér slysavarnadeildin Þórkatla um sölu á Sjóaranum síkáta. Salan fer fram í gámi deildarinnar, sem fékk nafnið Ellubúð, eftir Elínu Pálfríði Alexandersdóttur félagskonu og heiðursfélaga deildarinnar, sem gaf gáminn fyrir nokkrum árum.


Sjómannahelgin er viðamesti viðburðurinn sem deildin kemur að og margar hendur sem vinna þurfa verkin, og því fleiri hendur því betur gengur allt.

Í sumar ákvað stjórnin að veita þeim konum sem tök höfðu á að vinna um helgina gjöf að þakklæti fyrir vinnuna. Stjórnarkonur heimsóttu félagskonur og færðu þeim gjafapoka sem samanstóð af snyrtivörum frá Bláa lóninu, dagblaði, tímariti auk áskriftar og bíómiða. Allt eitthvað sem tilvalið var að njóta í sumarfríinu.


Hér má sjá myndir af nokkrum félagskonum taka við gjöfinni. Nokkrar konur eiga enn gjafapoka hjá stjórninni, þar sem erfitt hefur reynst að hitta á þær. Stjórn Þórkötlu þakkar félagskonum kærlega fyrir vinnuna á Sjóaranum síkáta.


Marta María Sveinsdóttir komin með gjafapokann úr hendi Emmu Geirsdóttur varaformanns.

Guðrún María Vilbergsdóttir meðstjórnandi og Valdís Helga Lárusdóttir gjaldkeri færa Þórhildi Ósk Ólafsdóttur (í miðju) gjafapoka.

Hulda Kristín Smáradóttur tekur við gjafapokanum frá Sigrúnu Stefánsdóttur meðstjórnanda.

Valdís Helga Lárusdóttir gjaldkeri og Guðrún María Vilbergsdóttir meðstjórnandi færa Sigurbjörgu Guðmundsdóttur gjafapokann.

Gjafapokinn góði.

Innihald gjafapokans.
 


Deildu ţessari frétt