Grindvíkingurinn Daníel Leó í landsliđshópinn

  • Fréttir
  • 2. september 2019
Grindvíkingurinn Daníel Leó í landsliđshópinn

Grindvíkingurinn Daníel Leó Grétarsson hefur verið kallaður inn í hóp Íslands fyrir leikina gegn Moldóvu og Albaníu en hann kemur í stað Sverris Inga Ingasonar. 

Daníel Leó spilar fyrir Alesund í Noregi og hefur ekki leikið A landsleik. Hann hefur spilað 6 leiki með U21 árs landsliðinu og skorað í þeim eitt mark segir á vefsíðu KSÍ. Daníel Leó hefur leikið 10 leiki með U19 ára landsliði Íslands. 

Það verður spennandi að fylgjast áfram með þessum flotta knattspyrnumanni en Daníel hefur verið að gera góða hluti með Alesund sem er á toppi 1. deildarinnar í Noregi. Daníel hefur spilað alla leikina á þessu tímabili með liðinu og skorað í þeim 3 mörk. 

Við óskum honum til hamingju með að vera valinn í hópinn og um leið góðs gengis!


Deildu ţessari frétt