85. fundur frístunda- og menningarnefndar haldinn í Gjánni, 14. ágúst 2019 og hófst hann kl. 17:00.
Fundinn sátu: Jóna Rut Jónsdóttir, formaður, Þórunn Erlingsdóttir, aðalmaður, Bjarni Þórarinn Hallfreðsson, aðalmaður, Alexander Veigar Þórarinsson, aðalmaður, Bjarni Már Svavarsson, áheyrnarfulltrúi, Kristín Gísladóttir, varamaður og Eggert Sólberg Jónsson, sviðsstjóri frístunda- og menningarsviðs.
Fundargerð ritaði: Eggert Sólberg Jónsson, sviðsstjóri frístunda- og menningarsviðs.
Dagskrá:
1. Samstarfssamningur við Slysavarnardeildina Þórkötlu 2020-2021 - 1906014
Á fundinn mættu Guðrún Kristín Einarsdóttir, Emma Geirsdóttir, Ragna Gestsdóttir, Valdís Helga Lárusdóttir og Guðrún María Vilbergsdóttir frá Slysavarnardeildinni Þórkötlu. Frístunda- og menningarnefnd felur sviðsstjóra frístunda- og menningarsviðs að leggja drög að samningi við deildina fyrir næsta fund nefndarinnar.
2. Byggingarnefnd vegna viðbyggingar við Hópið - 1905004
Hugmyndir að viðbyggingu við Hópið lagðar fram.
3. Reglur um styrki vegna íþróttaafreka - 1904067
Málinu frestað til næsta fundar.
4. Verklagsreglur um úthlutun starfsstyrkja á frístunda- og menningarsviði - 1907022
Frístunda- og menningarnefnd samþykkir verklagsreglurnar fyrir sitt leiti og vísar þeim til bæjarráðs til afgreiðslu.
5. Afrekssjóður - 1905080
Frístunda- og menningarnefnd staðfestir eftirfarandi úthlutanir úr Íþrótta- og afrekssjóði:
Alex Máni Pétursson: 50.000 kr.
Alexander Veigar Þorvaldsson: 50.000 kr.
Hekla Eik Nökkvadóttir: 30.000 kr.
Hrund Skúladóttir: 50.000 kr.
Jóhann Dagur Bjarnason: 50.000 kr.
Sigurbjörg Sigurpálsdóttir: 30.000 kr.
Unnur Stefánsdóttir: 30.000 kr.
Tómas Breki Bjarnason: 30.000 kr.
6. Samstarfssamningur við Unglingadeildina Hafbjörgu 2020-2021 - 1906015
Lögð fram drög að samningi við Unglingadeildina Hafbjörgu 2020-2021. Frístunda- og menningarnefnd samþykkir samninginn fyrir sitt leyti með breytingum og vísar honum til bæjarráðs.
7. Samstarfssamningur við Knattspyrnufélagið GG 2020-2021 - 1906018
Lögð fram drög að samningi við Knattspyrnufélagið G.G. 2020-2021. Frístunda- og menningarnefnd samþykkir samninginn fyrir sitt leyti og vísar honum til bæjarráðs.
8. Endurnýjun samstarfssamnings um skógræktarsvæðið við Selskóg - 1906070
Lögð fram drög að samningi við Skógræktarfélag Grindavíkur 2020-2021. Frístunda- og menningarnefnd samþykkir samninginn fyrir sitt leyti og vísar honum til bæjarráðs.
9. Umsókn um styrk - 1905005
Lögð fram drög að samningi við Vélíþróttafélag Reykjaness 2020-2021. Frístunda- og menningarnefnd samþykkir samninginn fyrir sitt leyti og vísar honum til bæjarráðs.
10. Framtíðarsýn fyrir Sjóarann síkáta - 1907007
Lögð fram drög að framtíðarsýn fyrir Sjóarann síkáta ásamt aðgerðaáætlun til ársins 2023. Frístunda- og menningarnefnd felur sviðsstjóra frístunda- og menningarsviðs að vinna málið áfram og kynna drögin fyrir hagaðilum.
11. Hreystigarður - 1905075
Frístunda- og menningarnefnd leggur til að í stað hreystigarðs verði unnið að gerð heilsustígs með æfingartækjum á nokkrum opnum svæðum innan þéttbýlisins í Grindavík. Nefndin felur sviðsstjóra frístunda- og menningarsviðs að útfæra hugmyndina og leggja fyrir nefndina.
12. Fyrirspurn um afstöðu Grindavíkurbæjar til samstarfs safna - ábyrgðarsöfn - 1906079
Frístunda- og menningarnefnd leggur til við bæjarráð að taka jákvætt í erindið og kanna kosti við samstarf og sameiningu safna á Suðurnesjum.
Fleira ekki gert. Fundi slitið kl. 19:00.