Opið svið snýr aftur á Bryggjuna. Í tilkynningu kemur fram að föstudagskvöldið 2. ágúst verði gamla góða Bryggjustemningin endurvakin með sérstöku hátíðar Opnu Sviði í Netagerðinni, hinum nýja glæsilega tónleikasal Bryggjunnar í Grindavík.
"Dagskráin byrjar kl. 20:00 og stendur til kl. 23:00. Tónlistarmennirnir Halldór Lárusson trommuleikari, Pálmi Sigurhjartarson píanóleikari & Þorgils Björgvinsson alltmögulegtleikari munu leika og er gestum og gangandi velkomið að stíga á svið með þeim félögum og taka lagið. Svo má einnig segja sögur, spjalla, leysa lífsins vanda og koma með óskalög að sjálfsögðu. Þeir félagar eru öllu vanir enda eru Opnu Sviðin orðin á fimmta tuginn síðan þau hófust 2013 og hafa notið fádæma vinsælda!"
Aðgangur á Opið svið er ókeypis.