Gul vesti um allan bæ

• Fréttir
• 13. júní 2019

Vinnuskóli Grindavíkur hófst fyrir tæpum tveimur vikum og hafa bæjarbúar líklega orðið varir við unglingana í gulu vestunum róta í beðum eða slá opin svæði.

Í Vinnuskólanum í ár eru rúmlega hundrað nemendur á aldrinum 14-17 ára. Mörg þeirra eru að stíga sín fyrstu skref á Vinnumarkaði og hvetjum við bæjarbúa til þess að taka tillit til þess þegar ábendingum er komið á framfæri. Flestir nemendur Vinnuskólans sinna umhirðu á opnum svæðum en hafa ber í huga að vinnuskólinn er skóli þar sem nemendur fá fræðslu um ýmislegt sem tengist hinum almenna vinnumarkaði, vinnutengdum málefnum o.fl.

Unglingarnir í Vinnuskólanum hafa lagt sig fram um að halda bænum snyrtilegum og náð miklum árangri á örfáum dögum eins og þeir sem fylgjast með samfélagsmiðlum skólans hafa tekið eftir. Vorið var gott og þessar fyrstu tvær vikur enn betri. Vinnuskólinn mun því hafa fjölda verkefna í sumar. Hér að ofan má sjá fyrir og eftir myndir frá því í vikunni.

Vinnuskóli Grindavíkur á Facebook

Vinnuskóli Grinavíkur á Instagram

• Síðast uppfært: 13. júní 2019