Hin árlega tónlistarkeppni barnanna í Grindavík fer fram þann 17. júní. Af því tilefni er boðið uppá söng- og framkomunámskeið fyrir 14 ára og yngri milli kl. 13 :00 og 15:00 dagana 12.-14. júní nk. Kennt er tvær klukkustundir í senn og námskeiðið því samtals sex klukkutímar. Námskeiðið fer fram í Kvennó og er umsjónarmaður Melkorka Ýr Magnúsdóttir. Skráning er á netfangið melkorkam@grindavik.is. Aðgangur að námskeiðinu er ókeypis. Athugið að þátttaka í námskeiðinu er ekki skilyrði fyrir skráningu í tónlistarkeppnina en góð æfing.