Þessa dagana er unnið að stefnumótun fyrir Kvikuna – auðlinda- og menningarhús Grindavíkur. Grindavíkurbær hefur fengið til liðs við sig ráðgjafa frá Strategíu sem rætt hefur við fjölda manns undanfarna daga og vikur.
Miðvikudaginn 5. júní nk. er boðað til íbúafundar um Kvikuna. Þar gefst Grindvíkingum og öðru áhugafólki um Kvikuna tækifæri til þess að koma sínum skoðunum á framfæri varðandi starfsemi hússins. Fundurinn hefst kl. 17:15 og fer fram í Kvikunni.