Yngsta stigið fór göngutúr í Selskóg í morgun. Lagt var af stað frá Hópskóla klukkan átta og komið aftur í hús klukkan eitt. Börnin borðuðu nesti um leið og þau komu upp í skóg og síðan voru grillaðar pylsur í hádeginum. Allir skemmtu sér konunglega við leiki í skóginum og margir gengu á Þorbjörn, nokkrir meira að segja tvisvar. Veðrið var eins og best verður á kosið til gönguferða, milt og gott og sólin lét alveg sjá sig um tíma. Meðfylgjandi eru nokkrar myndir úr ferðinni en fleiri myndir birtast á Facebook síðu skólans hér.