10. flokkur stúlkna Íslandsmeistarar

  • Körfubolti
  • 20. maí 2019
10. flokkur stúlkna Íslandsmeistarar

Um helgina urðu stúlkurnar í 10. flokki Íslandsmeistarar eftir að þær unnu nágranna sína í Njarðvík. Vefsíðan Karfan.is fjallar ítarlega um leikinn og 8-liða úrslitin. Þar má horfa á viðtöl við leikmenn og þjálfara. Grípum niður í umfjölllun Sigurbjörns Daða af vef Körfunnar: 

"Leikurinn byrjaði sem eign heimastúlkna og unnu þær 1. fjórðung 16-11 og var vörnin geysisterk.  Áfram jókst munurinn í 2. og áttu ljónynjurnar úr Njarðvík í mestu erfiðleikum með að finna körfuna og skoruðu aðeins 7 stig í leikhlutanum á móti 15 hjá Grindavík og munurinn því 13 stig í hálfleik, 31-18.

Grindavíkurstelpur voru að hitta vel í fyrri hálfleik, settu til að mynda öll 9 vítin sín niður! Júlía Ruth Thasaphong var atkvæðamest, komin með 15 í framlag (8 stig, 6 fráköst og 2 stoðsendingar) en Elísabet Ýr Ægisdóttir var stigahæst með 10 stig.

Hjá Njarðvík var Lára Ösp Ásgeirsdóttir sú eina sem var að skila einhverju framlagi, var komin með 8 (9 stig og 2 fráköst) í hálfleik.

Ljóst að Bylgja Sverris þjálfari Njarðvíkur, myndi lesa rækilega yfir sínum stúlkum í hálfleik!

Seinni hálfleikur hófst eins og sá fyrri, gular mun betri.  Eftir tæpar 4 mínútur voru Njarðvíkingar einungis búnar að setja niður 1 víti og voru áfram í vandræðum með að skora en sem betur fer fyrir þær þá voru þær gulklæddu litlu skárri en þó búnar að setja 4 punkta, staðan orðin 35-19 og ljóst ef ekki yrði kúvending þá myndi titillinn enda í „gulri paradís“ eins og segir í kvæðinu…  Staðan fyrir lokaballið 39-24.  Lítið skorað, 8-6 fyrir Grindavík í þessum leikhluta.

Það var deginum ljósara að eitthvað mikið þyrfti að breytast til að Grindavík tæki ekki tvennuna en munurinn á liðunum var einfaldlega of mikill.  Grindavík sigldi sigrinum hægt og örugglega í höfn og vann að lokum öruggan sigur, 45-32 og er því tvöfaldir meistarar 2019!

MVP var valin Júlía Ruth Thasaphong en hún var með flotta tvennu, 12 stig og 10 fráköst sem skilaði sér í hæstu framlagi eða 18.  Elísabet Ýr Ægisdóttir lét ekki sitt eftir liggja og var stigahæst gulra með 16 stig.  Þær stöllur hreinlega áttu teigana í dag!

Hjá Njarðvík steig baráttukonan Vilborg Jónsdóttir upp í seinni hálfleik og stóð sig vel en mátti ekki við margnum.  Vilborg skilaði í 16 framlag (12 stig og 10 fráköst) en hefði þurft meiri aðstoð frá liðsfélögum sínum.

Við óskum Grindavíkurstelpum til hamingju með sigurinn!"

Við tökum undir og óskum 10.flokki stúlkna og þjálfara þeirra Ellert Magnússyni innilega til hamingju með þennan titil. Þess má geta að þrjár stúlkur í liðinu eru í U-16 ára landsliðinu. Það eru þær Viktoría Rós Horne, Elísabeth Ýr Ægisdóttir og Júlía Ruth Thasaphong.
 

Mynd: www.karfan.is


Deildu ţessari frétt

AĐRAR FRÉTTIR

Fréttir / 19. júní 2019

Árleg Jónsmessuganga á laugardaginn

Fréttir / 13. júní 2019

Kvennahlaup ÍSÍ laugardaginn 15. júní

Fréttir / 13. júní 2019

Reiđnámskeiđ Arctic Horses

Fréttir / 13. júní 2019

Gul vesti um allan bć

Fréttir / 11. júní 2019

Rúm tvö tonn af rusli hreinsuđ

Fréttir / 11. júní 2019

Fjallkonur í Grindavík

Fréttir / 11. júní 2019

Dregiđ í hurđaleiknum á morgun!

Fréttir / 7. júní 2019

Međalhrađaeftirlit ekki byrjađ

Fréttir / 7. júní 2019

Grindavík lagđi FH á heimavelli 2-1

Fréttir / 6. júní 2019

Framkvćmdir á Grindavíkurvegi framundan

Fréttir / 5. júní 2019

Útbođ í malbik og endurbćtur gatna

Fréttir / 5. júní 2019

Skráning á leikjanámskeiđ KFUM og KFUK

Nýjustu fréttir 11

Dagskrá 17. júní

  • Fréttir
  • 13. júní 2019

Vinningshafar í hurđaleik

  • Fréttir
  • 12. júní 2019

Veđur til ađ fara í ratleik

  • Fréttir
  • 11. júní 2019