Sumardagurinn fyrsti er eftir rúmar tvær vikur en samkvæmt dagatalinu kemur sumarið fimmtudaginn 25. apríl næstkomandi. Það er því ekki seinna vænna en að fara að huga að vorverkunum. Strákarnir í þjónustumiðstöðinni eru a.m.k. farnir að huga að þeim en í gær voru þeir á tjaldsvæðinu að græja og laga fyrir komandi sumartraffík. Framundan eru hitatölur í kortunum en þó með nokkurri vætu, samkvæmt nýjustu veðurspám. Ef fram heldur sem horfir leyfum við okkur að blása á allt tal um páskahret og treystum því að nú sé vorið loksins komið.