1509. fundur bæjarráðs Grindavíkur haldinn í bæjarstjórnarsal, þriðjudaginn 5. mars 2019 og hófst hann kl. 17:00.
Fundinn sátu:
Hjálmar Hallgrímsson, formaður, Sigurður Óli Þórleifsson, varaformaður, Helga Dís Jakobsdóttir, aðalmaður, Páll Valur Björnsson, áheyrnarfulltrúi, og Hallfríður G Hólmgrímsdóttir, áheyrnarfulltrúi.
Einnig sátu fundinn: Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Dagskrá:
1. Austurvegur 1: Umsókn um byggingarleyfi - 1710061
Sviðsstjóri skipulags- og umhverfissviðs ásamt forstöðumanni íþróttamannvirkja sátu fundinn undir þessum dagskrárlið og upplýstu um stöðu framkvæmda.
Bæjarráð felur sviðsstjóra skipulags- og umhverfissviðs að fá kostnaðaráætlun á þá þætti sem eftir er að vinna svo taka megi húsið í notkun í haust.
2. Breyting á samþykkt um stjórn og fundarsköp Grindavíkurbæjar - 1901086
Málinu er frestað til næsta fundar.
3. Sveitarfélögin og heimsmarkmið Sameinuðu þjóðanna - 1902060
Isavia leggur til að sveitarfélögin á Suðurnesjum vinni að samfélagslegum verkefnum í samvinnu við atvinnulífið og hagsmunasamtök út frá Heimsmarkmiðum Sameinuðu þjóðanna.
Bæjarráð lýsir ánægju sinni með verkefnið.
4. Breyting á rekstrarleyfi veitinastaðar - Cactus ehf. - 1902090
Beiðni um umsögn vegna umsóknar Cactus veitinga ehf að rekstrarleyfi Salthússins fari úr flokki 2 í flokk 3.
Bæjarráð samþykkir veitingu leyfisins.
5. Leikskólinn Laut - beiðni um viðauka 2019 vegna Karellen - 1902076
Skólastjóri Leikskólans Lautar óskar eftir viðauka vegna ársins 2019 að fjárhæð 250.000 kr. á lykilinn 04111-4012 til að kaupa og reka viðbót við leikskólakerfið Karellen til að halda utanum leikskólagjöld.
Bæjarráð leggur til við bæjarstjórn að samþykkja viðaukann.
6. Upptökur á bæjarstjórnarfudum - 1902098
Málið er lagt fyrir af forseta bæjarstjórnar og formanni bæjarráðs.
Bæjarráð leggur til við bæjarstjórn að eingöngu verði um útsendingu að ræða á meðan á fundi stendur en ekki að upptaka verði geymd á veraldarvefnum.
Bókun
Fulltrúi U-listans telur að upptaka ætti að lifa að minnsta kosti að næsta bæjarstjórnarfundi til þess að fleiri hefðu tök á að sjá útsendinguna.
7. Vinnuskólinn - Starfsáætlun 2019 - 1901103
Verkefni og skipulag Vinnuskólans lögð fram.
8. Lionsklúbbur Grindavíkur Ósk um styrk - 1804018
Óskað er eftir styrk sem jafngildir leigugjaldi vegna kútmagakvölds í íþróttahúsinu.
Bæjarráð samþykkir að taka af styrktarlið bæjarráðs til að styrkja Lions vegna húsaleigu kútmagakvöldsins.
9. Styrkbeiðni vegna þorrablóts - 1902097
Þær íþróttadeildir sem stóðu fyrir þorrablóti 2019 í íþróttahúsinu óska eftir styrk frá Grindavíkurbæ.
Bæjarráð samþykkir styrk að fjárhæð 400.000 kr. sem tekinn verði af styrktarlið bæjarráðs.
Fleira ekki gert. Fundi slitið kl. 18:50.