1508. fundur bæjarráðs Grindavíkur haldinn í bæjarstjórnarsal, þriðjudaginn 19. febrúar 2019 og hófst hann kl. 17:00.
Fundinn sátu: Hjálmar Hallgrímsson, formaður, Helga Dís Jakobsdóttir, aðalmaður, Páll Valur Björnsson, áheyrnarfulltrúi, Hallfríður G Hólmgrímsdóttir, áheyrnarfulltrúi og Ásrún Helga Kristinsdóttir, varamaður.
Einnig sátu fundinn: Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Í upphafi fundar óskaði formaður eftir heimild til að taka 2 mál á dagskrá með afbrigðum sem mál 13 og 14:
1902038 - Fráveita Grindavíkurbæjar - ástandsskoðun
1902040 - Götulýsing - ástand götulýsingar
Samþykkt samhljóða
Dagskrá:
1. Umferðaröryggisáætlun: Aðkoma um Grindavíkurveg – 1503075
Sviðsstjóri skipulags- og umhverfissviðs sat fundinn undir þessum dagskrárlið.
Lögð fram gögn um forhönnun á undirgöngum undir Grindavíkurveg við Suðurhóp og mögulegt útboð og framkvæmdir við þau á þessu ári.
Bæjarráði hugnast best tillögur 1 og 2. Grindavíkurbær mun koma með fjármagn í stígagerð ef af framkvæmdinni verður. Málinu er vísað til Vegagerðarinnar til frekari vinnslu.
2. Málefni félagsþjónustu Grindavíkurbæjar – 1902036
Sviðsstjóri félagsþjónustu- og fræðslusviðs sat fundinn undir þessum dagskrárlið.
Á 1507. fundi óskaði bæjarráð eftir frekari upplýsingum frá sviðsstjóra félagsþjónustu- og fræðslusviðs á næsta fundi bæjarráðs.
3. Styrkumsókn á móti hafnargjöldum – 1902007
Lagt fram bréf frá stjórn björgunarbátasjóðs Grindavíkur. Þar er óskað eftir styrk á móti gjöldum sem Grindavíkurhöfn er að leggja á vegna björgunarbátsins.
Bæjarráð samþykkir að veita björgunarbátasjóðnum styrk á móti rafmagnskostnaði vegna Odds V Gíslasonar og leggur til við bæjarstjórn að samþykkja viðauka að fjárhæð 600.000 kr. sem fjármagnaður verði með hækkun tekna hafnarsjóðs.
4. Kvennakór Grindavíkur - Samstarfssamningur 2019-2021 – 1901067
Drög að samstarfssamningi við Kvennakór Grindavíkur lögð fram. Jafnframt er óskað eftir viðauka að upphæð kr. 335.000.
Bæjarráð samþykkir samninginn og leggur til við bæjarstjórn að samþykkja viðauka að fjárhæð 335.000 kr. sem fjármagnaður verði með lækkun á handbæru fé.
5. Minja- og sögufélag Grindavíkur: endurnýjun samninga - 1809040
Drög að samstarfssamningi við Minja- og sögufélag Grindavíkur lögð fram. Jafnframt er óskað eftir viðauka að upphæð kr. 30.000.
Bæjarráð samþykkir samninginn og leggur til við bæjarstjórn að samþykkja viðauka að fjárhæð 30.000 kr. sem fjármagnaður verði með lækkun á handbæru fé.
6. Golfklúbbur Grindavíkur: Endurnýjun samstarfssamnings - 1809073
Drög að samstarfssamningi við Golfklúbb Grindavíkur lögð fram. Jafnframt er óskað eftir viðauka að upphæð kr. 200.000.
Bæjarráð samþykkir samninginn og leggur til við bæjarstjórn að samþykkja viðauka að fjárhæð 200.000 kr. sem fjármagnaður verði með lækkun á handbæru fé.
7. Forkaupsréttur vegna sölu á fiskiskipinu Jóa Brands GK-517 - 1902052
Bæjarráð samþykkir að falla frá forkaupsrétti.
8. Körfuknattleiksdeild UMFG: Leynisbraut 13c - 1808003
Körfuknattleiksdeildin óskar eftir því að fá að fresta 1.500.000 kr. greiðslu eftirstöðva af láni um eitt ár vegna óvæntra útgjalda.
Bæjarráð samþykkir að fresta innheimtu á 1.500.000 kr. þar til í ársbyrjun 2020.
9. Lánasjóður sveitarfélaga: Framboð til stjórnar - 1702061
Áformað er að halda aðalfund Lánasjóðsins 29. mars nk. Allir sveitarstjórnarmenn eiga rétt á að sækja fundinn. Kjörnefnd óskar eftir að tilnefningar og/eða framboð séu send í síðasta lagi 4. mars nk.
10. Tækifærisleyfi - Íþróttahúsið í Grindavík - 1902019
Sótt er um leyfi til að halda árshátíð Grindavíkurbæjar í íþróttahúsinu þann 23. febrúar nk.
Bæjarráð samþykkir veitingu leyfisins.
11. Tækifærisleyfi - Lionsklúbbur Grindavíkur - 1902051
Sótt er um leyfi til að halda kútmagakvöld í íþróttahúsinu 8. mars nk.
Bæjarráð samþykkir veitingu leyfisins.
12. Tækifærisleyfi - Bryggjan Gastro - 1902050
Sótt er um leyfi til að halda tónleika í nýjum veitingasal þann 15. mars nk.
Bæjarráð samþykkir veitingu leyfisins.
13. Fráveita Grindavíkurbæjar - Ástandsskoðun - 1902038
Málið var á dagskrá síðasta bæjarráðsfundar.
Bæjarráð leggur til við bæjarstjórn að samþykkja viðauka á rekstur Fráveitu, kr. 2.000.000 á lykil 51111-4976 viðhald og kr. 3.000.000 á lykilinn 51111-4947 holræsahreinsun og að viðaukinn verði fjármagnaður með lækkun á handbæru fé.
14. Götulýsing - ástand götulýsingar - 1902040
Málið var á dagskrá síðasta bæjarráðfundar.
Til viðbótar við áður samþykktan viðauka að fjárhæð 10.000.000 kr. leggur bæjarráð til við bæjarstjórn að samþykkja 1.500.000 kr. viðauka vegna ástandsskoðunar ljósastaura og hann verði fjármagnaður með lækkun á handbæru fé.
Fleira ekki gert. Fundi slitið kl. 18:20.